2017 гъэм дыгъэгъазэм и 23-м Железноводск къалэм Тхьэм и Анэм и Покров члисэм Ставропольскрэ Невинномыскрэ я митрополит Кирилл щригъэкIуэкIащ Ставрополь митрополием и Архиерей советым и иужьрей мыгъэрей зэIущIэр.
Советым хэтщ: Псыхуабэ, Черкесск щIыналъэхэм я щихънагъ Феофилакт, Георгиевскрэ Прасковейскрэ я щихънагъ Гедеон, советым и секретарь щоджэн нэхъыжь Моздор Иоанн.
Советым хэтхэр едэIуащ Ставрополь духовнэ семинарием егъэджэныгъэ лэжьыгъэмкIэ и проректор игумен Алексий (Смирнов) духовнэ школым 2017 гъэм ищIа лэжьыгъэхэр зыхуэдам ехьэлIа и докладым. Ставрополь епархием и финанс- экономикэ къудамэм и унафэщI Гайтан Т. Л. семинарием и бюджетыр мы гъэм зэрагъэзэщIам къытеувыIащ.
Щихънагъхэр къытеувыIащ митрополием и епархием зэгъусэу зэфагъэкIа Iуэхугъуэхэм, 2018 гъэм къызэрагъэпэщыну юбилей, фэеплъ зэхыхьэхэм. Митрополит Кирилл, советым и зэIущIэр къыщызэщIикъуэжым, Ставрополь митрополием и щоджэнхэм фIыщIэ яхуищIащ 2017 гъэм зэфIагъэкIахэм папщIэ, къэблагъэ ИлъэсыщIэмрэ Христос и ХъуромэмкIэ ехъуэхъуащ.
Митрополием и Архиерей советыр зэхуос илъэсым тIоу нэхъ и кIэ къимыхуэу. Абы къызэщIегъэуIуэ тхьэлъэIу, пастыр, духовнэ-узэщIыныгъэ, псапэ, щIалэгъуалэ, тхылъ тедзапIэ, хъыбарегъащIэ, социальнэ, епархием и псапэ Iуэхухэр, къищынэмыщIауэ, жылагъуэмрэ светскэ властым и органхэмрэ долажьэ. Апхуэдэу советым зэщIегъэуIуэ духовнэ еджапIэхэр зыхуеину мылъкум ехьэлIа Iэухугъуэхэр.