2017 гъэм жэпуэгъуэм и 20-м Кисловодск и благочиннэ щоджэн нэхъыжь Знаменский Иоанн и унафэм щIэту, члисэ округым и зэхуэс екIуэкIащ. Епархием и Советым и зи чэзу зэIущIэм къыщащта унафэхэрт ар нэхъыщхьэу зытеухуар. Зэхуэсахэр хагъэгъуэзащ дин IуэхущIапIэхэм я лэжьыгъэхэм теухуа тхылъхэм: дин егъэджэныгъэмрэ катехизацэмкIэ Синод къудамэм екIуэлIапIэм кIуэхэм я дэIэпыкъуэгъуу къыдигъэкIа «Практическое руководство по приходскому консультированию» лэжьыгъэмрэ УФ-м и Правительствэм УФ-м мафIэс дин IуэхущIапIэхэм къыщымыгъэхъуным и хабзэхэм хилъхьа зэхъуэкIыныгъэхэм техуа постановленэмрэ.
ЗэIущIэм хыхьэу зэхалъхьэжащ «Чристэн жэрдэм» грант зэпеуэм кърикIуахэр. 2017 гъэм Кисловодск благочинием къыбгъэдэкIыу зэпеуэм лэжьыгъищ ягъэхьащ: чристэн гимназием и Члисэ-тхыдэ музейм, «Скоропослушница» члисэ-тхыдэ музейм, Кисловодск къалэм и лицей №4-м къабгъэдэкIыу.
Апхуэдэу щоджэнхэр егъэджэныгъэ IэухущIапIэхэм зэрыдэлэжьэным теухуа Iуэхугъуэми мыхьэнэ иIэт. Апхэудэт Кисловодск и школхэр чристэн щэнхабзэм и лъабжьэмкIэ урысейпсо олимпиадэхэм зэрыхэтынур. Мы гъэм олимпиадэм и школ Iыхьэм хэтащ къалэ-зыгъэпсэхупIэм и курыт еджапIибл. Кисловодскэ благочинием и къалэн нэхъыщхьэхэм ящыщщ щIэблэм я нэIэ тегъэтыныр, тхьэмахуэ школхэмрэ щIалэгъуалэ зэгухьэныгъэхэмрэ зегъэужьыныр. Тхьэмахуэ школхэм тыгъэ хуащIащ тхылъхэр. Тхьэм и Анэм и махуэшхуэм ирихьэлIэу къызэрагъэпэщыну къалэпсо зэгъусэ тхьэлъэIум, щIалэгъуалэ хъуромэ балым зэрызыхуагъэхьэзырынум, къапэщылъ Губин къеджэныгъэхэм
къытеувыIащ.