Иоанн Богослов абустолну ауушхан кюнюндеь Къарачай-Черкесияны Тебен Ермоловка элни клисасында байрам болуб етдю. Элни православ джамагъаты Клиса байрамны белгилейди. Элде бу клисаны 2013-чю джыл ишлегендиле. Анга Пятигорске бла Черкесскени архиепископу Феофилакт мартны 16-да нюр салгъан адетни этген эди.Православ джамагъат къуралгъан бла клиса ишленнгенли тер джылны ичинде бу гитче элни джамагъаты (Нижняя Ермоловкада 250 адам джашайды) кеслерини клисаларыны айбат этиу джаны бла ишлерин тохтатмайды. Ол байрам кюн Дин къуллукъну, Иоанн Богочслов клисаны тамадасы иерей Бураков Димитрий бла Ставрополь епархияны Курсавка клиса округну джуаблы динчиси протоирей Бочаров Вячеслав бардырдыла. Клисагъа келген джамагъат бла бирге ол кюн Ставрополь крайны Андропов
районундан келген паломникле да тилекле этдиле. Дин къуллукъ бла Къачлы джюрюш бошалгъандан сора барын да туз-дамдан ауузланыргъа чакъырдыла, андан сора Иоанн-Богослов клисагъа болушлукъ этиб тургъанла клисагъа джюрюген джамагъатха азыкъ наборла бердиле.