Быйыл июнь айны 20-да «Дача Шаляпина» деген литература-музыкалы музейде 27 Шаляпин сезону къуанч халда ачылыуу болуб етдю. Ол «Для жизни я рожден в Казани,для сцены Кавказом рожден» деген девиз бла бардырылады. Ол къуанч мероприятиягъа Нарсана клиса округну приходларыны джуаблы динчиси протоирей Знаменский Иоанн да къошулду. Ал сезню джыйылгъанлагъа Эресейеи культура министирини кенгешчиси, М.И. Глинка атлы Бютеуэресей музыка культура байламышны баш директору , музака музейле бла коллекционерлени Ассоциациясыны президенти Брызгалов Михаил айтды. Ол кесини сезюнде «Дача Шаляпина» денен литература-музыкалы музейни къуллукъчулары бла эмда директору Красникова Ольганы, аны кибик онглу фахмулу адамны хар ким эсде тутарча юлюш къошхан шахар властлагъа да разылыгъын билдирди. Сезонну къуанч ачылыуунда сыйлы къонакъланы арасында , курорт- шахарны башчысы Курбатов Александр, Ставрополь крайны культура министирини биринчи орунбасары Павлова Галина, шахар Думаны председатели Волошина Любовь, Ставрополь крайны думасыны депутаты Мурашко Анатолий, Эресейни культурасыны махтаулу къуллукъчусу Розенфельд Борис бар эдиле. Джыйылгъанлагъа протоирей Знаменский Иоанн, Пятигорске бла Черкесскени архиепископу Феофилактны алгъышын айтды. Джуаблы православ динчи былай чертди, Шаляпинни фахмусун Орус Православ Клиса ачханды. « Шаляпинни творчество джаны бла айныуу Къазан шахарда Варлаам шыйыхны клисасында хорда джырчыдан башланнганды. «Адам сез бла айтхан къыйынды, орус клиса джырда къуанч бла бушу тахсалы байланыбды, аланы чеклешген джерлери къайдады эмда бири-бирине къачан кечгенин къачан болгъанын. Клисагъа келиб, «Христос Воскресе и мертвых!» дегенни эшитсенг, къалай келюм толгъанын ангылайма. Мен айтыргъа излегеним, кесек заманны бу джерде болмагъанча , хауада сирелиб тургъанча болама», -деб окъуду Шаляпинни эсге тюшюре джазмаларын Иоанн бабас. Аны иышында да джуаблы православ динчи ол опера джырчыны Нарсанагъа уллу сюймеклиги болгъанын эмда шахарны айбатлыгъына уллу юлюш къошханын да айтды. Биринчи кере ол бери 1899-чу джыл келгенди. Андан сора да бу шахарда терт кере болгъанды. 1917-чи джыл Шаляпин Курзалда концерт бергенден сора, джаралы эмда ауругъан солдатлагъа анаторий ишлерге джер алыргъа деб 1400 сом бергенди. Ол хаман да клисаланы ишлерге болушлукъгъа ачха бергенлей тургъанды аланы ичинде Пантелеймон шыйыхны клисасы да, анда ол джырлагъан да этгенди. Федор Иванович суаблыкъ ишлерин ачыкъларгъа сюйгенледен болмагъанды. Алай аны ачха чрту бла кюрешген юристни письмолары сакъланадыла. Аланы биринде быллай сезле бардыла: « сиз бир билге эдигиз, мени къолумдан Шаляпинни къаллай бир ачхасы етгенди болушлукъ кереклилеге!» -деб тамамлады сезюн православ динчи. «Сезонла» 1991-чи джылдан бери барадыла. Ол кезюуледе адетдеча , фаэмулу онглу джырчы Федор Шаляпин бирлешдирген тенглени тюбешиулери болуб етедиле. Класика музыканы мийик дараджалы ыйыгъы 27-чи Шаляпин сезонну къуанч халда джабылыуу боллукъду. Ол быйыл июнь айны 23-де боллукъду.