Кубаным къикIахэр лъапIэныгъэм деж Тхьэ щелъэIуащ

Краснодар крайм и Адыгэ республикэм и Георгиевскэ члисэм къикIа гупым папщIэ Шоан бгым тхьэлъэIу литургиер щрагъэкIуэкIащ Краснодар къалэм и Михаилоархангельскэ члисэм и щоджэн нэхъыжь Овчинников Сергийрэ Тырныауз къалэм и щоджэн Горкавченкэ Максимрэ.

ЩIыналъэ лъапIэм Тхьэ елъэIуну кIуахэм я гъусэу тхьэлъэIум хэтащ Ипщэ Къэрэшей-Шэрджэсым и члисэ округым и щIалэгъуалэ къудамэм хэтхэр, округым и благочиннэ щоджэн нэхъыжь Субтельный Евгенийрэ Свято-Михайло-Афонскэ Закубанскэ пшахъуэщIым и унафэщI игумен Герасимрэ (Буняев).