Христос воскресе! Χριστος ανεστη! Чырысти райгас! Христос Къэтэджыжащ! Масих Тирилди!

ЕгъэджакIуэхэм я зэпеуэм дамыгъэ нэхъыщхьэр къыщихьащ КъШР-м и егъэджакIуэм

Гъэ къэс къызэрагъэпэщ «За нравственный подвиг учителя» зэпеуэр Iыхьищу зэщхьэщыхауэ йокIуэкI. ТекIуахэр етIуанэ Iыхьэм ягъакIуэ – щIыналъэ зэхуаку, федеральнэ округхэм щрагъэкIуэкIым.

Ставрополь духовнэ семинарием и актовэ пэшым щызэхуэсащ «За нравственный подвиг учителя» зэпеуэм и II Iыхьэм и эксперт советым хэтхэр. Мы гъэм етIуанэ Iыхьэм кIуащ Кавказ Ищхъэрэ федеральнэ округым и егъэджакIуэхэм я лэжьыгъэ щэщIрэ тIурэ.

Эксперт советым и лэжьыгъэм хэтащ щIыналъэм и республикэ псоми я лIыкIуэхэр. Экспертхэм къалъытащ зэпеуэм и лэжьыгъэхэр утыку къызэрырахьэр, абыхэм я купщIэр зыхуэдэр, хэлъ щIэм, Урысей Федерацэм и нэгъуэщI щIыналъэхэм ахэр къыщыбгъэсэбэпыну Iэмал зэриIэр. Дин щIэныгъэмрэ катехизацэмкIэ Синод къудамэм и лIыкIуэ иеромонах Трифон (Умалатов) унафэ ищIащ:

 

1. II Iыхьэм и Гран-прир Зеленчукскэ станицэм Леонов В. П. и цIэр зезыхьэ и курыт еджапIэ №1-м пэщIэдзэ классхэр щезыгъаджэ Штукинэ Аннетэ еджакIуэхэм гъэсэныгъэмкIэ я «Уроки добротолюбия» программэм папщIэ.

2. Апхуэдэу унэтIыныгъэхэм пашэ щыхъуащ Шиляго Галинэрэ Деденкэ Ольгэрэ зэдащIа «Дорога к нравственности» лэжьыгъэм папщIэ. Ягъэпэжахэм ящыщщ Тигиевэ Еленэ «В сердце твоё стучусь», Герасимовэ Наталье «Героям тот лишь назовётся», Къаныкъуэ Дианэ игъэхьэзыра «Наш мир» газетыр.

3. Саугъэт щхьэхуэ хуагъэфэщащ Баликоевэ Альбинэ и «Жизнь прекрасна — не трать её напрасно», Бережная Нинэ и «Казачата Юга», Фараджевэ Гюльмирэ, Гаджиевэ Заремэ, Гаджиахмедовэ Бурлият сымэ зэдащIа «Приобщение детей старшего дошкольного возраста к народным традициям, праздникам, обычаям родного края — Республики Дагестан» лэжьыгъэм папщIэ.

II Iыхьэм щытекIуахэм я лэжьыгъэхэр хагъэхьэнущ Москва щекIуэкIыну иужьрей III Iыхьэм.

Просмотров: 990

Поделиться

VK:39834