Черкесск щытепсэлъыхьащ егъэджэныгъэмкIэ къэзакъ компонентым

Черкесск къалэм и Свято-Сергиевскэ гимназием конференцэ щекIуэкIащ, Къэрэшей-Шэрджэсым и егъэджэныгъэ IуэхущIапIэхэм къэзакъ компонентыр щыджыным зегъэужьынымкIэ. Зэхыхьэм и лэжьыгъэм хэтащ Кубань къэзакъым и атаманым и къуэдзэ Горбань Василий, ККВ-м и Баталпашинскэ къудамэм и атаман подъесаул Шеховцев Игорь, къудамэм и район зэгухьэныгъэхэм я атаманыр, атаманхэм гъэсэныгъэ лэжьыгъэхэмкIэ я къуэдзэхэр, республикэм и щоджэнхэр, къэзакъ классхэм я кадетхэр. Конференцэр иригъэкIуэкIащ Ипщэ Къэрэшей-Шэрджэс округым и благочиннэ щоджэн нэхъыжь Субтельный Евгений. Доклад ящIащ Черкесск къалэм и школ №6-м и къэзакъ классхэм я унафэщI Дейдименкэ Игоррэ Зеленчукскэ районым и къэзакъ зэгухьэныгъэм и атаманым и япэ унафэщI Коломойцев Евгенийрэ. Зэхыхьэм хэтхэр тепсэлъыхьащ докладхэм, Къэрэшей-Шэрджэсым и къэзакъ зэгухьэныгъэм зегъэужьыным теухуахэм.

Конференцэр щиухым Псыхуабэ епархием и «Святые наших дней» къыдэкIыгъуэр утыку кърахьащ. Зэхыхьэм хэтхэм иратащ тхылъым и экземпляр.

Просмотров: 1837

Поделиться

VK:39834