Тверь и лъапIэныгъэхэр Георгиевскэ цIыхубз къулъшырыфым ягъэIэпхъуащ

2017 гъэм мэкъуауэгъуэм и 25-м Псыхуабэ, Черкесск щIыналъэхэм я щихънагъ нэхъыщхьэ Феофилакт Георгиевскэ цIыхубз къулъшырыфым и Георгиевскэ члисэ Дубровкэ бгым тетым тхьэлъэIу литургие щригъэкIуэкIащ. Щоджэн нэхъыщхьэм къулыкъур драгъэкIуэкIащ: Кисловодск члисэ округым и екIуэлIапIэхэм я щоджэнхэм благочиннэ щоджэн нэхъыжь Знаменский Иоанн я пашэу, къулъшырыфым и клирикхэм. Къардэн къулыкъур иригъэкIуэкIащ къардэн нэхъыжь Кубэ Димитрий. Пастыр нэхъыщхьэм и гъусэу Тхьэ елъэIуну къызэхуэсащ щIыналъэ лъапIэм Тхьэ елъэIуну кIуахэр, къэзакъхэр, «Кавказым и щIэблэ узыншэ» IуэхущIапIэм и волонтёрхэр. 

ТхьэлъэIум и пэ къихуэу щихънагъ нэхъыщхьэ Феофилакт члисэм щIихьащ Тверь щIыналъэм и лъапIэныгъэхэр. Абы щыщт пащтыхь гуащэ Кашинская Аннэ, Аущхэу Столобенский Нил, Калязинский Макарий. Тхьэм папщIэ бэлыхь куэд зрагъэшэчахэу – Аущ Фаддей, Серебрянский Сергий. ЛъапIэныгъэхэр Тверскэ митрополием къагъэIэпхъуащ щихънагъ нэхъыщхьэ Феофилакт и лъэIукIэ.

ХъыбарыфIхэр зэрыт тхылъ лъапIэм къеджа нэужь, Пастыр нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ. Ектении нэужьым щихънагъ нэхъыщхьэр Тхьэ елъэIуащ Украинэмрэ КъуэкIыпIэ Гъунэгъумрэ мамырыгъэ щыIэн папщIэ.

Щихънагъ нэхъыщхьэ Феофилакт тхьэлъэIу нэужьым игумение Варварэ (Шурыгинэ) илъэс 50 зэрырикъумкIэ ехъуэхъуащ: «Абы къыпхуигъэфэща и IэдакъэщIэкIхэм папщIэ фIыщIэ пхузощI, Варварэ! Тхьэмрэ цIыхухэмрэ къулыкъу зэрахуэпщIэм папщIэ фIыщIэ пхузощI! ГъащIэ щэху уиIэну сынохъуэхъу, уи юблейм ирихьэлIэу!» Щихънагъ нэхъыщхьэм Варварэ иритащ Щоджэн нэхъыщхьэм къыбгъэдэкI щIыхь тхылъыр.

Махуэшхуэр концерткIэ зэхуащIыжащ. Ар «София» екIуэлIапIэ- пансионатым и гъэсэнхэм ятащ. Хъыджэбз цIыкIухэр Варварэ ехъуэхъуащ уэрэдкIэ, къафэкIэ, усэкIэ.