Быйыл июнь айны 21-де Пятигорске бла Черкесскени архиепископу Феофилакт, Москва Патриархияны Клиса тыш ишлени Белюмюню председатели, Стдодну библия-дин комиссиясыны председатели, Бютеуклиса аспирантура бла докторантураны директору Волокаламскени митрополити Иларионну дин къуллукъ этгенине 30 джыл толгъаны бла байламлы къуанчха къошулду. Ол кюн митрополит Иларион Раббийни Анасыны « Всех скорбящих Радость» деген иконасыны сыйына аталгъан клисада Дин къуллукъ бардырды. Москва бла биеу Эресейн Сыйлы Патриархы Кириллни разылыгъы бла дин къуллукъгъа: Москва бла бютеу Эресейни Патриархыны ышыгъында болгъан, Антиохийске бла Шаркъны Патриархыны келечиси Филипольну митрополити Нифон, Екатеринбург бла Верхотурну митрополити Кирилл, Нижегородске бла Арзамасны митрополити Георгий, дин билим бериу бла катехизациядан Синод белюмню председатели Ростов бла Новочеркасскени митрополити Меркурий, Саранске бла Мордовияны митрополити Зиновий, Москва Патриархияны Административ секретариатыны тамадасы Солнечногорскени архиепископу Сергий, Ленске бла Якъутну архиепископу Роман, клиса суаблыкъ ишле бла социал къуллукъ Синод белюмню тамадасы Орехово,Зуевни епископу Пантелеймон, Нефтекамске бла Бирскени епископу Амвросий къошулдула. Диакон къуллукъгъа ОВЦС-ни председателини болушчусу протодиакон Назаркин Владимир башчылыкъ этди. Алтарны къатында: Загребско-Люблянскени митрополити Порфирий (Серб Православ Клиса), Москва бла бютеу Эресейни Патриархы Кириллни ышыгъында болгъан Серб Патриахны келечиси Моравични епископу Антоний,Пятигорске бла Черкесскени архиепископу Феофилакт табын этдиле. Дин къуллукъда, Эресейнии Президентини Ара федерал округда толу эркинликли келечиси А.Д.Беглов да бар эди. Литургиядан сора иерерахла бла сыйлы адамланы алгъышлау болдду ызы бла юбилярны разылыкъ сезю болду, ол кесини устазларына да разылыгъын айтды. Аны тышында да митрополит Иларион былай айтды: Мен, мени къарнашларым пастырлагъабек разыма ма бюгюн мени бла бирге къуанчны белгилерге келгенлери ючюн. Биз барыбыз да бизни Клисаны юсю бла Аллах бизге салгъан джумушланы баджарабыз. Талай джылны къуллукъ этгенибиз чакълы бир аллай бир джуаблылыкъ да есюб барады. Ол себебден, кюнден-кюннге бизге Раббийни болушлугъу бек керек болуб барады джуаблы клиса джумушланы баджарыргъа. Бу кюн Сыйлы Патриарх Кириллге разылыгъымы айтыргъа излейме, ма 22- джылны таймаздан кюн сайын къуллугъуму баджаргъаны аны болушлугъуду. «Сиз Мени сайламагъансыз Мен сизни сайлгъанма» (Ин.15,16), -деб айтханды Раббий кесини сохталарына. Сыйлы Патриархы къуллукъгъа келгинчи ол сагъатда энтда митрополит Кирилл, мени клисаны тыш байламлылыгъы Белюмде ишлерге салгъанэди, андан сора да епископ къуллукъгъа. Андан сора Патриарх болгъандан сора, ол мени клисаны тыш байламлылыкъ Белюмюне председатели джуаблыкъ къуллукъгъа салгъан эди.Аны да мен 20 джылны джетишимли баджарыргъа кюрешдим. Бусагъатда да ол джумуш мени бойнумдады, алай а хар кюн сайын мен, ол заманлада бусагъатда Сыйлы Патриарх Кириллча ишими тындырыргъа кюрешеме энтда да андан юреннгенлей турама. Аны къатында тургъан а –ол школду, аны орнун башха зат бла толтураллыкъ тюлсе». Архиепископ Феофилакт да юбилярны джылы алгъышлаб, аннга, джуаблы къуллугъунда бет джарыкълы болурча Аллахдан болушлукъ тиледи.