Къарачай-Черкесияда Къыбла клиса округну приходларыны джуаблы динчиси протоирей Субтельный Евгенийни разылыгъы бла , етген солуу кюнледе клисагъа джюрюген джамагъатдан бир къауум адам, италиан шахар Бариден Москвада Къутхарыучу Масихни клисасына келтирилген Николай шыйхны дин сыйларына табын этерге баргъан эдиле. Ол къауумну биргелерине эмда дин болушлукъ да эте Исправна станседе Архистратиг Михаилни клисасыны тамадасы иерей Якушев Александр баргъан эди. Автобусда бара да дин сылагъа кезюу сакълагъан сагъатда ала Чудотворец Николайгъа акафист дуала окъуб тургъан эдиле. Бек сейирге Къарачай-Черкесиядан баргъан къауумну быйыл июнну 10-да очередге джазгъан эдиле, ол кюн а уа Эресейни регионларындан адам асыры кеб келгенден эшиклени джабаргъа хазыр болуб тура эдиле. Ары кирирге мадар джокъду деген сезлеге да къарамай мындан баргъанла барысы да шыйыхны дин сыйларына табын этген эдиле. Экинчи кюн июн айны 11-де паломникле Донской монастырда дин къуллукъгъа къошулдула, анда Масих Иссаны эсге тюшюрген адетни да этдиле. Раббийни Анасыны «Донская» деген иконасыны аллында ди тилекле этдиле. Андан сора да Москваны Патриархы Тихонну дин сыйларына да табын этдиле. Монастырны тарихи бла да шагърей болуб, монастыр къабырлагъа да бардыла. Андан сора ала, Матрона Московскаяны сыйынва аталгъан Покров тиширыу монастырда да болдула. Джолоучулукъну Тихон Задонский шыйыхны нюрленнген къара сууна барыб тамамладыла. Андан сора паломникле бары да сау-саламат юйлерине къайтдыла.