Мы махуэхэм къэзакъхэм ядэлэжьэнымкIэ Синод комитетым и унафэщI,
Ставропольскрэ Невинномыскрэ я митрополит Кирилл иригъэкIуэкIащ «Церковь и
казачество: опыт взаимодействия на территории Донского и Терского
войсковых казачьих обществ» вебинарыр.
Псыхуабэ, Черкесск щIыналъэхэм я архиепископ Феофилакт и
арэзыныгъэкIэ зэхыхьэм хэтащ епархием къэзакъхэм ядэлэжьэнымкIэ и
къудамэм и унафэщI щоджэн нэхъыжь Фещенкэ Стефанрэ Псыхуабэ епархием и
къэзакъ зэгухьэныгъэхэм я щоджэнхэмрэ.
Вебинарым хэтхэм фIэхъус ярихащ Тэрч ВКО-м и дзэ атаман къэзакъ
генерал Кузнецов Виталий. Егъэджэныгъэ-методикэ къудамэм и унафэщI
Котинэ Иринэ доклад ищIащ къэзакъ егъэджэныгъэ IуэхущIапIэхэм я
лэжьыгъэм ехьэлIауэ.
СКВК-м и секретарь щоджэн Чайкин Тимофей епархием къэзакъхэм
ядэлэжьэнымкIэ и къудамэхэм я лэжьыгъэхэм къытеувыIащ икIи къыхигъэщащ
Псыхуабэ епархием къэзакъхэм ядэлэжьэнымкIэ и лэжьыгъэр зыхуэдэр,
гуманитарнэ дэIэпыкъуныгъэхэр къызэгъэпэщынри къызэщIиубыдэу.