2021 гъэм мэлыжьыхьым и 17-м «Моя страна. Моя история» музей выставкэ комплексым «Православный диктант» узэщIыныгъэ Iуэхур щекIуэкIащ.
Диктантыр тест Iэмалым тету ирагъэкIуэкIащ. Кавказым и Минводы и къалэхэм я еджакIуэ тIощIым щIигъум дакъикъэ 45-м къриубыдэу жэуап иратащ упщIэ 26-м. Чристэн щэнхабзэм и тхыдэм теухуащ абы ящыщ языныкъуэхэр, адрейхэм фIэщхъуныгъэ зиIэ джыназ Невский Александр къызэралъхурэ мы гъэм илъэс 800 зэрырикъур ягъэлъапIэр.
НыбжьыщIэхэм фIэхъус щарихым, Псыхуабэ епархием и ЩIалэгъуалэ къудамэм и унафэщI щоджэн Яковенкэ Илия Псыхуабэ, Черкесск щIыналъэхэм я архиепископ Феофилакт и арэзыныгъэр ялъигъэIэсащ, Псыхуабэ узэщIыныгъэ Iуэхур зи жэрдэмым, еджакIуэхэм захуигъэзащ упщIэхэм пэжу жэуап иратыну икIи
къыхигъэщащ апхуэдэ Iэухугъуэхэм цIыхухэр нэхъри зэрызэкъуигъэувэр, тхыдэ къулей дызэриIэр.
УзэщIыныгъэ диктантым теухуа упщIэхэр игъэхьэзыращ музей выставкэ комплексым щIэныгъэ-узэщIыныгъэ лэжьыгъэхэмкIэ и методист Гобозовэ Екатеринэ, Второафонскэ къулъшырыфым и музейм и унафэщI къардэн нэхъыжь Иоанн (Галумов).