2021 гъэм архиепископ Феофилакт и арэзыныгъэкIэ Псыхуабэ благочинием и щоджэнхэр Ставрополь крайм щыIэ Зауэм и ветеранхэм я сымаджэщым, Псыхуабэ и роддомым, Псыхуабэ къалэм и инфекцэ сымаджэщым, COVID-19 узыфэр зыпкъырытхэр щагъэхъужу пIалъэкIэ къызэрагъэпэщам щыIащ. Щоджэнхэм коронавирус сымаджэхэмрэ дохутырхэмрэ псы хуагъэшащ.
Побегайловкэ къуажэм и инфекцэ сымаджэщым, сымаджэ 78-рэ, дохутыр 30 здэщыIэм ягъэшащ птулъкIи 110-рэ. Апхуэдэу Железноводск къалэм и инфекцэ сымаджэщми ягъэшащ. Щоджэнхэр дохутырхэмрэ сымаджэхэмрэ Тхьэ хуелъэIуащ. Черкесск и Никольскэ члисэ зэхуэхьэсам и волонтёрхэм псырэ просфоррэ хуагъэшащ КъШР-м и къалащхьэм и социальнэ IуэхущIапIэхэм: жьы хъуахэм папщIэ интернетыр, нэфхэм я зэгухьэныгъэр, сабий унэхэр. Псы гъэнэхуар члисэ зэхуэхьэсам екIуалIэ нэхъыжьхэми лъагъэIэсащ махуэшхуэм емыкIуэлIэфахэм. Кисловодскэ благочинием и щоджэнхэр щыIащ Кисловодск къалэм и инфекцэ сымаджэщым, къалэ сымаджэщым, район зэхуаку роддомым. Пантелеимоновскэ члисэм и унафэщI щоджэн нэхъыжь Акименкэ Сергий махуэшхуэмкIэ ехъуэхъуащ дохутырхэм икIи псы гъэнэхуам щыщ яритащ. Никольскэ члисэ зэхуэхьэсам и щоджэн нэхъыжь Чеканов Димитрий сымаджэхэмрэ дохутырхэмрэ махуэшхуэмкIэ ехъуэхъуащ къалэ сымаджэщым и Иверскэ члисэм и тхьэлъэIу литургием хыхьэу. Щоджэным палатэхэм псы гъэнэхуа щIиутхащ икIи сымаджэхэм узыншагъэ яIэну захуигъэзащ. Димитрий махуэшхуэм къыщытеувыIащ Христос и хъуромэм и роддомым и члисэ цIыкIум махуэшхуэ тхьэлъэIу нэужьым. Абы анэхэмрэ дохутырхэмрэ псы лъапIэм щыщ ялъигъэIэсащ, гукъыдэж зиIэ псоми птулъкIэхэм иту яритащ. Щоджэнхэр Псыхуабэ еапрхием и благочиниехэм я сымаджэщхэм щыIащ.