2019 гъэм жэпуэгъуэм и 24-м Псыхуабэ, Черкесск щIыналъэхэм я архиепископ Феофилакт зыкъыщигъэлъэгъуащ Ставрополь щекIуэкIа «Русский язык в межнациональном согласии» VII Урыс ЦIыхубэ Зэхуэсым. Зэхыхьэр къызэригъэпэщащ ВРНС-м и Дунейпсо жылагъуэ зэгухьэныгъэм, Ставрополь митрополием, Ставрополь крайм и Правительствэм, Кавказ Ищхъэрэ федеральнэ университетым. Ставрополь драмэмкIэ и академическэ театрым цIыху 800-м щIигъу щызэхуэсащ, Урыс Чристэн Члисэм, щэнхабзэмрэ егъэджэныгъэмкIэ, къэрал властым и органхэм, къэзакъхэм я лIыкIуэхэу. Зэхуэсым щылэжьащ
Кавказым и Минводы и лIыкIуэхэр, Къэбэрдей-Балъкъэрымрэ Къэрэшей-Шэрджэсымрэ икIахэр.
Пленар зэIущIэм ирагъэкIуэкIащ Ставропольрэ Невинномыскрэ я митрополит Кириллрэ Урысейм и Президентым и полномочнэ лIыкIуэу КИФЩI-м щыIэ Матовников Алесксандррэ. Архиепископ Феофилакт хэтащ пленар зэIущIэм икIи члисэ зэхуэхьэсам и япэ секцэм щищIащ «Русский язык и русский мир: диалог религий, культур и цивилизаций» докладыр. А махуэ дыдэм Пастыр нэхъыщхьэм тхьэлъэIу щригъэкIуэкIащ щоджэн нэхъыщхьэхэр щыщIалъхьэжа щIыпIэм деж, Псыхуабэ епархием и унафэщI къалэныр зыгъэзащIэу Щихънагъ нэхъыщхьэм и пэ итахэм.