Нарсана шахарда Православ Свято-Никольский гимназиясында , выпускниклени 17-чи чыгъырыу болду.Ала, Никольский кличсагъа, гимназияны тамадасы протоирей Знаменский Иоанн бардыргъан разылыкъ дуагъва джыйылдыла. Ата-ваналары бла устазлары бла бирге , школл джыллары ючюн Аллахха разылыкъ билдирирге келдиле. Анда православ дин джырланы выпускникле кеслери джырладыла. Тилек этилгенден сора аттестатла бла медалла бериу боолду. 14 выпускникде 6-сы медаллагъа тыйыншлы болгъанды. Гимназияны айырмагъа бошагъан Эресейни алтын медалларын, Овчинникова Наталья, Литвинова Вика, Погосян Ангелина бла Бедикян Иулия алдыла. Ставрополь крайны алтын медалларына да Решетников Александр бла Сысоев Даниил тыйыншлы болдула. Гимназиячылагъъа аттестатланы директор бла бирге гимназияны Осуйлукъ советини председатели Калугин Валерий, шахар Думаны депутаты Хуцистов Юрий, шахар культура комитетни председатели Сквиренко Инна бла билим ериу Управленияны келечиси Милохин Александр бердиле. Келген къонакъла, устазларыгъыз салгъан джюреклеригизде сюймекликни сакълагъыз деб алгъыш этдиле. Гимназияны директору выпускниклеге, Пятигорске бла Черкесскени архиепископу Феофилакт ийген алгъышлауну окъуб, выпускниклени класс устазлары Ровенская Клавдиягъа Архиерейли грамотаны да берди. Биринчи устазлары Инна Михайловагъа да кеб джылы сез айтылды. Инна Германовнагъа да Хурмет грамота бердиле. Гимназияны директору выпускниклени алгъышлаб хар бирина Инджил китабланы саугъа этди. Протоирей Знаменский Иоанн сохталаны ата-аналарына , сабийлерин дин бла ариу халиде есдюргенлери ючюн разылыкъ письмола берди. Гимназияны директоруна да талай разылыкъ сезлени выпускникле да ата-анала да айтдыла. Клисада къуанч белюмден сора, «Знамение» деген аралыкъда куьтура-джарыкълыкъ байрам болуб етдю.