2019 гъэм гъатхэпэм и 14-м Кисловодск и Никольскэ члисэ зэхуэхьэсамрэ Чристэн гимназиемрэ зэхыхьэхэр щекIуэкIащ, чристэн тхылъым и махуэм теухуауэ.
Пщэдджыжьым щыщIэдзауэ Чристэн Свято-Никольскэ классическэ гимназием и класс нэхъыжьхэм щIэсхэр гимназием и унафэщI щоджэн нэхъыжь Знаменский Иоанн и саугъэтхэм щыгуфIыкIащ. Пщэдджыжь тхьэлъэIу нэужьым тхылъ еджэнымрэ литературэ зэпеуэ зэмылIэужьыгъуэхэмрэ пашэ щыхъуахэмрэ иратащ «Солнышко» чристэн сабий махуэгъэпсхэр.
ТхьэлъэIу нэужьым члисэ зэхуэхьэсам тхьэ щелъэIуа дэтхэнэми щоджэным тхылъ иритащ. УнафэщIым екIуэлIапIэм кIуэхэм яритащ Члисэ тхыдэмкIэ тхылъхэр, фIэщхъуныгъэ зиIэхэм я уззэщIыныгъэр, чристэн художественнэ литературэр.
Прогимназием библиотекэм и дерсхэр щекIуэкIащ. Япэ классым щIэсхэм папщIэ библиотекэм и лэжьакIуэ Михайловэ Иннэ тепсэлъыхьащ Урысейм тхылъ къызэрыщыдэкIам и тхыдэм. 2, 4 классхэм щIэсхэм япэ тхылъыр къызэрыдэкIамрэ япэ печат станокыр къызэрыунэхуамрэ къащIащ класс сыхьэтхэм хыхьэу, класс унафэщIхэм щрагъэкIуэкIым.
Ещанэ классым щIэсхэр хэтащ гимназием и унафэщIым и зэIущIэ гимназием и библиотекэм щекIуэкIам, чристэн тхьэлъэIу, художественнэ, егъэджэныгъэ литературэу экземпляр 12 000 щызэхуэхьэсам.
Сабийхэм щепсалъэм, унафэщIым еджакIуэхэм яжриIащ махуэшхуэм и тхыдэр зыхуэдэр, «Апостол» япэ тхылъыр къардэн Фёдоров Иван къызэрыдигъэкIар 1564 гъэм гъатхэпэм и 14-м, ар Библием щыщ Iыхьэу зэрыщытыр, Чристэн Члисэм и тхылъ нэхъыщхьэ зэрыхъуар. Абы къыхигъэщащ цIыхум и къэухьым зригъэужьын папщIэ тхылъ еджэн зэрыхуейр, и щIэныгъэм хигъэхъуэну и мурадмэ икIи Ильин Иван и псалъэхэр къихьащ: «Тхылъ зэреджэмкIэ цIыхур къыпхуэцIыхунущ. Дэтхэнэ цIыхури зэджэращ зищIысыр къэзыгъэлъагъуэр, а тхылъым къидджыкIым ещхь дохъу зэман щыдэкIкIэ, дыхуей дыхуэмейми» - тхылъ дыщеджэм удз гъэгъа Iэрамэ зэхуэтхьэсам хуэдэу».
Зэхыхьэр щиухым унафэщIыр еджакIуэхэм ехъуэхъуащ тхылъ гуапэхэм, акъылым зезыгъэужьхэм еджэну. Библиотекэм и едэжакIуэ нэхъ жыджэрхэм сабий тхылъхэр иратащ, чристэн махуэшхуэм теухуахэр икIи библиотекэм тыгъэ хуищIащ «Библейские мотивы в русской поэзии» тхылъыр. УнафэщIым къыбгъэдэкI саугъэтхэр пэщIэдзэ классым и класс псоми щеджэхэм иратащ.