2018 гъэм щэкIуэгъуэм и 13-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ епархием и Иверскэ члисэм. Щоджэн нэхъыщхьэм къулыкъур драгъэкIуэкIащ Урыс Чристэн Члисэм и Патриаршэ благочиние Тыркуменистаным щыIэм Ашхабад щиIэ члисэ округым и екIуэлIапIэхэм я благочиннэ щоджэн нэхъыжь Копач Иоанн, Псыхуабэ епархием и Административнэ секретариатым и унафэщI щоджэн Яковенкэ Илия, къардэн Копач Пётр. Пастыр нэхъыщхьэм и гъусэу тхьэлъэIум хэтыну къызэхуэсащ Псыхуабэ щыпсэухэмрэ епархием и унэм и лэжьакIуэхэмрэ. ТхьэлъэIу нэужьым щихънагъым фIэщхъуныгъэ зиIэхэм узэщIыныгъэкIэ захуигъэзащ.
А махуэ дыдэм Спасскэ кафедральнэ члисэ зэхуэхьэсам и ЩIалэгъуалэ центрым щригъэкIуэкIащ "Наши святые современники: подвиг новомучеников и исповедников Церкви Русской" пастыр конференцэр. Ар ирагъэжьащ фIэщхъуныгъэм и зэран зэкIыу хэкIуэдахэр ягу къагъэкIыжу. Зэхыхьэм илэжьыгъэр къыщызэIуахым, Пастыр нэхъыщхьэм ягу къигъэкIыжащ Члисэр зэхэзехуэн щIыныр зэрыщыщамыгъэтар. Ахэр нэхъ зэмылIэужьыгъуэ хъуащ. Абы и щапхъэщ Украинэм и Чристэн члисэр. Къызэхуэсахэм фIыщIэ хуащIащ Патриарх Кирилл, чристэн фIэщхъуныгъэ зиIэхэм Украинэм я Iуэху зэрыщыдагъэкIыжыфым, къэралым чристэн фIэщхъуныгъэ зиIэхэр тхьэлъэIукIэ зэрыдиIыгъым папщIэ. ПсапащIэ пастыр конференцэм доклад нэхъыщхьэр щищIащ «Бутово» щIэныгъэ-узэщIыныгъэ центрым и унафэщI, Москварэ Урысей псомрэ я Патриархым Тхьэм папщIэ бэлыхь куэд зрагъэшэчахэмрэ Урыс Члисэм гуэныхьхэр зыIуэтэжа и щихъхэмрэ я Члисэ-жылагъуэ советым хэт Гарьковский
Игорь. Абы и псалъэр триухуащ Тхьэм папщIэ бэлыхь куэд зрагъэшэчахэм зэрахьа
лIыгъэм.
Тхьэмахуэ школхэм я щоджэнхэмрэ егъэджакIуэхэмрэ я упщIэхэр теухуауэ щытащ Урыс Члисэм Тхьэм папщIэ бэлыхь куэд зрагъэшэчахэмрэ гуэныхьхэр зрагъэIуэтэжахэмрэ я щхьэхуэныгъэхэм, абыхэм зэрахьа лIыгъэр щIэблэм я дежкIэ зэрыщапхъэгъэлъагъуэм.