Псыхуабэ, Черкесск епархием и «ДыгъафIэ къалэ» ОВЗ-м сабийхэмрэ щIалэгъуалэмрэ щадэIэпыкъу и Центрыр илъэсищ зэрырикъур игъэлъэпIащ. Махуэшхуэм куэд зэхуишэсащ – ар центрым и лIыкIуэхэр, абыхэм я адэ-анэхэр, шыпхъухэр, къуэшхэрщ, чристэн инклюзивнэ гупжьейм и гъэсэнхэр, ЕссэнтIыгу къалэм Тхьэм и Анэм и «Всех скорбящих Радость» сымаджэщ члисэм екIуалIэхэр, волонтёрхэр, «ДыгъафIэ къалэм» и гъащIэм хэт егъэджакIуэхэрщ. Махуэшхуэм къыщыпсэлъащ сымаджэщ члисэм и унафэщI щоджэн нэхъыжь Стацюк Алексий, «ДыгъафIэ къалэм» къару иIэну, ефIэкIуэнуехъуэхъури. ХьэщIэхэм захуигъэзащ «ДыгъафIэ къалэ» IуэхущIапIэм и
лэжьакIуэхэм я ныбжьэгъу Денисов Евгений. Ар сабийхэмрэ я адэ-анэхэмрэ ехъуэхъуащ узыншагъэ яIэну икIи ягу къигъэкIыжащ гъэм и сыт хуэдэ зэманми я узыншагъэм кIэлъыплъыну. ХьэщIэхэм ехъуэхъуащ епархием и «ДыгъафIэ къалэ» центрым и унафэщI Земцевэ Екатеринэ. Абы хьэщIэхэм яжриIащ мы гъэм епархием и центрыр «Чристэн жэрдэм» зэпеуэм пашэ зэрыщыхъуар. Абы къыпэкIуа ахъшэмкIэ мазитIым и кIуэцIкIэ «Гъэмахуэ унагъуэ инклюзивнэ зыгъэпсэхугъуэ» проектыр ягъэзэщIащ. КъищынэмыщIауэ, Екатеринэ жиIащ центрым и лэжьыгъэм фIыкIэ зэхъуэкIыныгъэ куэд къызэрыщыхъуар, мыгувэу абыхэм къару зэрагъуэтынур. ПсапащIэхэм, волонтёрхэм, егъэджакIуэхэм, мы гъэм «ДыгъафIэ къалэм» и зыужьыныгъэм хуэлэжьахэм фIыщIэ тхылъхэр иратащ.Къызэхуэсахэм папщIэ къалэм и творческэ гупхэм концерт ятащ. Центрым и дежкIэ щIэщыгъуэ хъуащ архиепископ Феофилакт къыбгъэдэкIа саугъэтыр – хьэуар зэрагъэкъабзэ Iэмэпсымэ центрым иритар. КъищынэмыщIауэ, Санкт- Петербург и псапащIэхэм «ДыгъафIэ къалэм» и махуэшхуэм ирихьэлIэу тыгъэ хуащIащ пылесосыщIэ. «ДыгъафIэ къалэм» ехъуэхъуну къэкIуащ и ныбжьэгъухэр
– ЕссэнтIыгу благочинием гуапагъэ щызыщIэхэр, фэеплъ саугъэт езытахэр.
Махуэшхуэ концерт нэужьым хьэщIэхэр ягъэгуфIащ къалэм щIалэгъуалэм ядэлэжьэнымкIэ и аниматорхэм. Махуэшхуэ нэужьым хьэщIэхэр Iэнэм ирагъэблэгъащ.