Быйыл сентябрь айны 12-де Александр Невский шыйыхны эсгериу кюнде Пятигорске бла Черкесскени архиепископу Феофилакт, Свято-Введенский Толгский тиширый монастырны Введенский клисасында (Брянчанинов) Игнатий шыйыхха акафист дуа окъуду. Паломниклени санындан православ динчиле бла бирге Архипастырь Дин къуллукъ бардырды. Андан сора паломникле Раббийни Анасыны «Толгская» деген иконасыны аллында къысха дуа этиб, ол икона биринчи сейирлик халда керюннган джер монастырны къатында наз талагъа бардыла. Дин джолоучуланы андан ары баргъан джерлери Николо-Бабаевский монастыр болду. Анда ахыр джылларына деричи Игнатий шыйых джашагъанды, кеси да анда асыралгъанды. Бу монастрыда отуз джыл мындан алгъа бу шыйыхны елюгюню сюеклери табылгъандыла. Алайда тилек этиб паломникле Костромагъа атландыла. Костроманы джеринде биринчи православ дин сыйлагъан джер Свято-Троицкий Ипатьевский эркиши монастырда болдула. Сыйлы Кавказдан келген къонакъла Годунов бла Романов тукъумланы тарихлеринден хапалы болдула , Иван Сусанинни этген джигитлигин да эсге тюшюрдюле, алайда Пресвято Богородицаны Тихвинский иконасына да табын этдиле. Раббийни Анасыны «Феодоровская» деген иконасыны аллында Сыйлы Кавказдан келген паломникле тобукъланыб этилген дуаны окъудула. Костромада къонакъла шахарда приходну Воскресения на Дебре деген клисасыны къатында ишлене тургъан Воскресенский клисада да болдула. Ол кюнню ингринде паломникле Ярославльгъа атландыла.