Урысей МВД-м и къудамэу Железноводск щыIэм и Жылагъуэ советым хэт щоджэн Пронь Алексей щыIащ къэралкIуэцI IуэхухэмкIэ къалэм и къудамэу щыIэ тутнакъым. Административнэ тезыр зытралъхьахэр щаIыгъым и щытыкIэр, полицэм и лэжьакIуэхэм я къулыкъур зэрагъэзащIэр къипщытэн папщIэ. Тутнакъым и камерэхэм я щытыкIэр, шхыныгъуэкIэ ахэр къызэрызэрагъэпэщыр, къабзагъэм зэрыкIэлъыплъыр, я тепIэнхэр зыхуэдэм къыдэкIуэу советым и лIыкIуэм къипщытащ медицинэ пэшыр къызэрызэгъэпэщар, хущхъуэхэмкIэ и пIалъэм фIэмыкIыу къызэрызэрагъэпэщыр. Щоджэныр епсэлъащ администртивнэ тезыр зытралъхьахэм я
хуитыныгъэхэр зэрагъэзащIэм теухуауэ, ахъшэкIэ къызэрызэрагъэпэщым, нэгъуэщIхэм теухуауэ. Абы хыхьэу тхьэусыхафэ щыIакъым. Советым и лIыкIуэм ныкъусаныгъэншэу къилъытащ тезыр зрагъэпшынхэр зэраIыгъ щытыкIэмрэ Урысей МВД-м Железноводск къалэм щиIэ къудамэм и полицэм и лэжьакIуэхэм я къалэнхэр зэрагъэзащIэмрэ.