Коломенск и музей-заповедникым щекIуэкIащ славян гъуазджэхэм я «Урыс губгъуэ» ебланэ фестивалыр. 2018 гъэм «Урыс губгъуэм» къэкIуащ къэралым и лIыкIуэ 58-рэ. Ар фестивалым и рекордщ. Зэхуэсым япэу «Къулъшырыф пщIантIэ» утыку къыщрахьащ. Абы хыхьэрт чристэн хорхэм зыкъыщагъэлъагъуэ, Урысейм и федеральнэ округийм зыкъыщагъэлъагъуэ утыку, Урысейм и къулъшырыфхэмрэ дин IуэхущIапIэхэмрэ я хьэпшыпхэм зыщыхагъэгъуазэ утыку. «Къулъшырыф пщIантIэр» къызэрыунэхуар къызэгъэпэщакIуэхэм траухуащ Урысейр умэхъын зэращIрэ илъэс 1030-рэ зэрырикъум.
Утыкум и хьэщIэхэм зэхахащ урыс уэзджынэр зэрызэщхьэщыкIыр, Калининградым къыщыщIэдзауэ Камчаткэм нэсыху. «Всероссийский перезвон» проектыр ягъэзэщIэн папщIэ Дроздихин Илья и уэзджынэхэр къагъэсэбэпащ. Фестивалым зыкърезыгъэхьэлIа уэзджынауэхэм ягъэзэщIащ ягу дыхьэхэр. Уэзджынауиблым чристэн хорышхуэм я гъусэу щеуар гукъинэж хъуащ. Глинкэ и «Славься», «Мнагая лета» лэжьыгъэхэр ягъэзэщIащ. Псыхуабэ, Черкесск щIыналъэхэм я архиепископ Феофилакт и арэзыныгъэкIэ епархиемрэ Кавказ Ищхъэрэ федеральнэ округымрэ фестивалым утыку къыщрахьащ члисэм къулыкъу щызыщIэ, Псыхуабэ и Спасскэ кафедральнэ члисэ зэхуэхьэсам къулыкъу щызыщIэ Амирджанян Атёмий. Абы уэзджынэмкIэ игъэзэщIащ «Благословенный Кавказ» лэжьыгъэр.