Быйыл июль айны 11-де Пятигорске бла Черкесккени архиепископу Феофилакт ОВЗ ауруу болгъанла тургъан сабийле бла джаш адамлагъа болушлукъ этген "Солнечный городок" деген Аралыкъда болду. Владыка юйдегиле джыйылыб олтуруб чай ичиуге къошулду, аны "Солнечный городокда" тургъан сабийлени ата-аналары бла аны тамадасы Земцева Екатерина хазырлагъандыла. Олтуруб чай иче, "Православная инициатива 2017-2018" деген халкъла арасы грант конкурсда хорлагъан джайгъы инклюзив форумну юсюнден сабийле келген къонакъгъа хапар айтдыла. Архипастырь да хар бир сабийни этген муратларындан хапарлы болду. Уллу джылыуу бла Архиерей мырда тургъан сабийлени ата-аналары бла эмда волонтерла бла устазла бла ушакъ этди. Ата-анала айтхандан "Солнечный городок" къуру аланы сабийлерине къарагъан аралыкъ болуб къалмай былайы алагъа экинчи юйлери болгъанды. "Мында бизни сабийлерибизни хаман да сакълайдыла. Ала да хар кюн сайын бери къуанч тыбырлы болуб ашыгъыб келедиле", деб айтды кесини оюмун Скоробогатова Виктория. Чай ичиб бошагъандан сора архиепископ Феофилакт бла "Солнечный городокну" тамадасы Земцева Екатерина епархиал Аралыкъны планларын сюздюле.