Быйыл май айны 22-де Николай Чудотворец шыйыхны сюек кесеклери кечюлген кюн, Нарсанада Православ гимназия бла клисаны кеукледе джакъчысын сый бере эсгердиле. Ол къуанчны аллында водосвят тилек этилиб эмда къуанчха джараланыб Дин къуллукъ бардырылды. Аны клисаны тамадасы протоирей Знаменский Иоанн бардырды. Клисагъа нюр салыннганлы 10 джыл толгъан юбилейинде Сыйлы Николай шыйыхха сый берирге бу клисагъа таймаздан джюрюгенле, курорт-шахарны къонакълары эмда Православ Свято-Никольский гимназияны сохталары келдиле. Дин къуллукъда, клисаны хору бла гимназияны сохталары джырладыла. Андан сора охталаны бары да Масих Иссаны эсге тюшюрген адетни да этдиле. Инджилден окъугъандан сора клисаны тамиадасы Пятигорске бла Черкесскени архиепископу Феофилакт ийген алгъышны айтыб, кесида барын да байрам бла алгъышлаб ауаз да берди. Джюрюген адетдеча дин къуллукъ бошалгъандан сора къачлы джюрюш этдиле. Клиса арбазда келген къоанкъла, къазакъла хазырлагъан хантла бла ауузландыла. Байрамны андан арысында кече Сыйлы Николай шыйыхха акафист дуа окъудула. Бары да бирге шыйыхх сый берирге Нарсана клиса округну православ динчилери келген эдиле. Благочинияны динчиси протоирей Гермоген Лиманов бары динчилени атындан клисаны тамадасын бу байрам кюн ла алгъышлаб, бу клисаны джангыдан ишлениуюне уллу юлюш къошханын да чертди. Кесини джанындан да Иоанн бабас, дин къарнашларына биргесине тилек
этгенлери ючюн , къауумланы аклисагъа болушлукъ этиб тургъанланы ючюн джюрек разылыгъын билдирди.