2018 гъэм мэлыжьыхьым и 28-м Псыхуабэ, Черкесск щIыналъэхэм я архиепископ Феофилакт, Петергофск и архиепископ Амвросий, Санкт-Петербург и духовнэ школхэм я ректорым Псыхуабэ и Спасскэ кафедральнэ члисэ зэхуэхьэсам тхьэлъэIу щрагъэкIуэкIащ. Пастыр нэхъыщхьэхэм къулыкъур драгъэкIуэкIащ члисэ зэхуэхьэсам и клирикхэмрэ Псыхуабэ и члисэхэм я унафэщIхэмрэ. Архиепископ Феофилакт къулыкъур иригъэкIуэкIащ, архиепископ Амвросий ХъыбарыфIхэр зэрыт тхылъ лъапIэм къеджащ, фIэщхъуныгъэ зиIэхэм дагъэ гъэнэхуам щыщ щихуащ.
2018 гъэм мэлыжьыхьым и 29-м, тхьэлъэIу литургием хыхьэу щихънагъым апхуэдэу къулыкъур драгъэкIуэкIащ члисэ округхэм я благочиннэхэм, епархиехэм я къудамэхэм я унафэщIхэм, Епархием и Советым хэтхэм. Архиепископ Феофилакт члисэ зэхуэхьэсам и клирик къардэн Ендовицкий Сергий орар тIуащIэр зэрихьэну хуит ищIащ. ХъыбарыфIхэр зэрыт тхылъ лъапIэм къеджа нэужь, фIэщхъуныгъэ зиIэхэм абы узэщIыныгъэкIэ захуигъэзащ. Литургие нэужьым зэгъусэ тхьэлъэIу ирагъэкIуэкIащ. ИужькIэ архиепископ Феофилакт дипломхэмрэ саугъэтхэмрэ яритащ епархием и «Чристэн унагуъэ» зэпеуэм и лауреат хъуахэм. Махуэшхуэм Соборнэ утым бэзэр къыщызэрагъэпэщащ. ИужькIэ сабийхэмрэ балигъхэмрэ папщIэ концерт щатащ. Махуэшхуэр уэзджынэ гъэзууным и концерткIэ зэхуащIыжащ.