Тхьэм папщIэ бэлыхь куэд зрагъэшэча, Верейск и архиепископ Илларион и фэеплъ махуэм, тхьэмахуэ школым и гъэсэнхэм, Зеленчукскэ станицэм и Петропавловскэ члисэм я егъэджакIуэхэм, анэхэм, анэшхуэхэм я пащхьэм щагъэлъэгъуащ макъамэ хъуэхъухэр, Христос ЛIахэм КъазэрыхэтэджэкIыжа махуэшхуэм и щIыхькIэ. Концерт нэужьым школым и унафэщI Оганезовэ Валентинэ IутIыж зэпеуэм пашэ щыхъуахэмрэ абы хэтахэмрэ саугъэтхэр яритащ. Махуэшхуэр щиухым Iэнэ ягъэуващ.
А махуэ дыдэм «IутIыж гуфIэгъуэ» чристэн щэнхабзэ IV фестиваль хабзэ хъуауэ гъатхэм Предтечи Иоанн и цIэр зезыхьэ Усекновения члисэ Иноземцевэ къуажэм дэтым ирегъэкIуэкI. КъэпщытакIуэ гупым япэ увыпIэхэр зыхуэфащэхэм иратащ. КъыкIэлъыкIуэ гъэм гран-при саугъэтыр къэзыхьым Iэмал иIэнущ юбилей зэхьэзэхуэр, илъэс етхуанэр къызэIуихыну. Махуэшхуэр щрагъэкIуэкIащ Ставрополь къэрал пединститутым Железноводск щиIэ актовэ пэшым. Жылагъуэ, егъэджэныгъэ IуэхущIапIэхэм къалэ-зыгъэпсэхупIэм утыку къыщрахьащ концерт номер 19. Творческэ зэхьэзэхуэм ныбжьыщIэу 100-м щIигъу хэтащ. Артист ныбжьыщIэхэм уэрэд жаIащ, усэ къеджащ художественнэ тхыгъэхэм ящыщхэм, литературэ-макъамэ композицэхэр ягъэлъэгъуащ. Фестивалым хэта псоми гупхэм я художественнэ унафэщIхэм щIыхь тхылъхэр, фэеплъ саугъэтхэр иратащ. КъэпщытакIуэ гупым пашэ хъуахэр игъэнэIуащ. Гран-прир хуагъэфэщащ «Последний лист» тхыгъэм къызэреджам папщIэ. МахуэшхуэмкIэ ехъуэхъуащ
Старопавловскэ станицэм и Никольскэ члисэм екIуалIэхэм. Театр теплъэгъуэр ятыку кърахьащ екIуэлIапIэм и тхьэмахуэ школым и гъэсэнхэм. Сабийхэм ягъэзэщIащ щхьэгъусэхэм, мелыIычхэм, сэлэтхэм я ролхэр. Члисэм и унафэщI щоджэн Вологин Александр къызэхуэсахэм махуэшхуэмкIэ ехъуэхъуащ икIи екIуэлIапIэм къэкIуахэм псалъэ гуапэхэмрэ хъуэхъухэмкIэ захуигъэзащ. Махуэшхуэр щиухым унафэщIым бзылъхугъэхэм удз гъэгъахэр тыгъэ яхуищIащ, IэфIыкIэхэр щIыгъуу.
Государственнэ (Советскэ) станицэм и IутIыж махуэшхуэм хэтащ екIуэлIапIэм и тхьэмахуэ школым и гъэсэнхэр, Михаило-Архангельскэ члисэм и сабий хоритI, станицэм и хьэщIэхэр, Железноводск къалэм и «Энергия плюс» къэфакIуэ гупыр. Станицэм и екIуэлIапIэм и унафэщI щоджэн Федюнин Дионисий къызэхуэсахэм махуэшхуэмкIэ ехъуэхъуащ, программэ ягъэхьэзырам папщIэ икIи саугъэтхэр яритащ. Концерт нэужьым ныбжьыщIэхэм члисэмкIэ яунэтIащ, IутIыж тхьэлъэIур щрагъэкIуэкIам, Христос ЛIахэм КъазэрыхэтэджыкIыжам и щIыхькIэ.
2018 гъэм мэлыжьыхьым и 26-м Черкесск и Свято-Сергиевскэ гимназием гъатхэ махуэшхуэр щрагъэкIуэкIащ. Абы сабийхэм уэрэдхэр, къафэхэр щагъэзэщIащ, усэ къыщеджащ. Гимназием и гъэсэнхэр псоми Христос ЛIахэм къазэрыхэтэджыкIыжамкIэ ехъуэхъуащ. Къызэхуэсахэм хъуэхъукIэ захуигъэзащ егъэджэныгъэ Центр №11-м и унафэщI Ляшовэ Еленэ, гимназиер зи нэIэм щIэт щоджэн нэхъыжь Кузнецов Сергий. Абыхэм къыхагъэщащ еджакIуэхэмрэ егъэджакIуэхэмрэ я лэжьыгъэхэр, гимназием и гъэсэнхэм я адэ-анэхэм фIыщIэ хуащIащ, еджапIэм и гъащIэм жыджэру зэрыхэтам папщIэ.
Мэлыжьыхьым и 22-м Ищхъэрэ Къэрэшей-Шэрджэс члисэ округым и члисэхэм зэхыхьэхэр щрагъэкIуэкIащ, махуэшхуэм и щIыхькIэ. Черкесск и Покров члисэм и махуэшхуэм сабий дыгъэхэр щыIащ я адэ- анэхэм я гъусэу. Абыхэм Христос и Щэхухэм зыхагъэгъуэзащ. ТхьэлъэIу лиутргие нэужьым псори концерт ирагъэплъащ, Iэнэ къыхуащтэри. Къызэхуэсахэм я пащхьэм зыкъыщагъэлъэгъуащ Покров члисэм и уэрэджыIакIуэ гупым. Профессионалхэмрэ сабийхэмрэ ягъэзэщIащ члисэ, духовнэ лэжьыгъэхэр, автор зэмылIэужьыгъуэхэм я Iэдакъэ къыщIэкIахэр. Концерт нэужьым Тхьэмахуэ школым и гъэсэнхэм театр теплъэгъуэхэр утыку кърахьащ икIи усэхэм къеджащ. Махуэшхуэ нэужьым сабийхэм кърихьэлIахэм удз гъэгъахэр иратащ, езыхэм я IэкIэ ягъэхьэзырыжахэр.
Кавказскэ къуажэм и Георгиевскэ члисэм Тхьэмахуэ школым и гъэсэнхэм литературнэ-музыкэ композицэ къагъэлъэгъуащ махуэшхуэм и щIыхькIэ. Сабийхэр усэ къеджащ, махуэшхуэм теухуауэ икIи ягъэзэщIащ «Пасху радостно встречаем», «Праздников Праздник – Пасха Господня» уэрэдхэр. Сабийхэр жыджэру хэтащ джэгухэмрэ зэпеуэхэмрэ.
Черкесск и Сергиевскэ члисэмрэ Усть-Джегуты и Михаило-Архангельскэ члисэмрэ ехъуэхъуащ члисэм къекIуэлIахэм. А махуэм бзылъхугъэхэм псалъэ гуапэхэмкIэ зыхуагъэзащ икIи IэфIыкIэхэр иратащ, удз гъэгъахэр щIыгъуу.