Быйыл апрель айны 24-де Пятигорске бла Черкесскени архиепископу Феофилакт Пятигорск епархия юйню Ивер клисасында Дин къуллукъ бардырды. Архиерейде дин къуллукъ болушлукъну, къазакъла бла байламлылыкъ тутхан епархия белюмню тамадасы протоирей Фещенко Стефан бла диакон Ендовицкий Сергий этдиле. Дин къуллукъдан сора Архипастырь джыйылгъанлагъа ауаз берди.
Ол кюн огъунакъ Ессентюкде 1-чи Пасха инклюзив фестиваль барды. Аны Пятигорске бла Черкесскени архиепископу Феофилакт ачхан эди. Ессентюк шахарны кукльтура Къаласында баргъан бу сейир пасха байрамгъа, Ситаврополь крайны Киров районундан эмда Кавказ Минеральные оды регионну шахарларындан сакъат сабийлеге джораланнган учрежденияларындан талай сабий келген эди. Концертге, епархияда эки джылны мындан алгъа къуралгъан «Солнечный городок» деген аралыкъны сабийлери тири къошулдула. Фестивальны баш нюзюрю сабийлени арасында шохлукъну бегитирге бир-бири бла пасха къуанч бла алмашыргъа сбебе бериудю эмда кеслерини творчество усталыкъларын башхалагъа кергюзтюудю -деб айтхан эди «Солнечный городок» аралыкъны тамадасы Земцева Екатерина Саулукъларында къыяулары болгъан сабийле эмда ала бла бир джылда болгъан регионладан келген тебсеу коллективледен сабийле пасха байрам халлары бла творчестволары бла бир-
бирлери бла алмашдыла. Пасхагъа фестиваль ачылгъан кюн къол бла этилген затла, сурат кермючле джораланнган эдиле.Байрам, Синод джаш телю белюмю къурагъан «Любовь сорадуется истине» деген халкълаарасы джаш телю акциясыны чегинде баргъанды. «Бюгюн бу байрам къуру сабийлеге тюлдю. Бу байрам бюреуню къыйынлыгъы, бушуун сансыз этиб къоймай джан аурутханланы байрамыды. Байрам некди къуанчлы, биз бир болгъаныбызны ангылагъханданды. Биз Къутхарыучу Масих Иссаны ийманында болгъаныбыз уллу кюч береди.»,- деб айтхан эди Пятигорске бла Черкесскени архиепископу Феофилакт. Владыка фестивальны лауреатларына эмда анга къошулгъанлагъа дипломла бериб эмда джаш артистлеге болушхан волонтерлагъа джюрек разылыгъын билдирди.