2018 гъэм мэлыжьыхьым и 22-м, епархием и члисэхэм екIуалIэхэр щагъэлъэпIащ.
Змейкэ къуажэм и Иверскэ члисэм и унафэщI щоджэн Мельников Михаил къыхуриджащ анэхэр ягъэлъэпIэну тхьэмахуэ псом къриубыдэу. Щоджэным екIуэлIапIэм кIуэхэм фIыщIэ яхуищIащ, члисэр гъэдэхэным, ар зехьэным, дэIэпыкъуным хэлъхьэныгъэфI зэрыхуащIым папщIэ. ЦIыхубзхэм псоми, анэшхуэхэм, хъыджэбз цIыкIухэм удз гъэгъахэр тыгъэ хуащIащ.
Прохладнэм и Никольскэ члисэм и тхьэмахуэ школым и гъэсэнхэм екIуэлIапIэм кIуэхэм открыткэхэр тыгъэ хуащIащ, езыхэм я IэкIэ ягъэхьэзырыжахэр. Члисэм и унафэщI щоджэн нэхъыжь Маршалкин Андрей бзылъхугъэхэм удз гъэгъахэр яритащ.
Прохладнэм и Покров члисэм а махуэм ирихьэлIэу сабийхэм я махуэшхуэр щагъэлъэпIащ. Тхьэмахуэ гупым и гъэсэнхэр къызэхуэсахэм ехъуэхъуащ. «IутIыж хабзэхэр» зэпеуэм кърикIуахэр зэхалъхьэжащ. Абы къыхэжаныкIащ Прохладнэм и сабий унэ-интернатым и гъэсэнхэр. Псоми щIыхь тхылъхэр иратащ. Махуэшхуэ нэужьым Iэнэ ягъэуващ.
ЕссэнтIыгу и Никольскэ члисэм анэхэм унафэщI щоджэн нэхъыжь Агеев Павел тыгъэ хуищIащ IэфIыкIэхэр. Железноводск и Ольгинскэ члисэм екIуалIэхэм удз гъэгъахэмкIэ хуэупсащ.
Минводы и Благовещенскэ члисэм удз гъэгъахэмрэ буклетхэмрэ щIагъужащ зэгъусэу сурэтхэр зытехыныр.