2018 гъэм мэлыжьыхьым и 12-м, Успенскэ Второафонскэ Бештаурскэ цIыхухъу къулъшырыфым и шхапIэм, Кисловодск и Чристэн Свято-Никлольскэ классическэ гимназием и гъэсэнхэр, къулъшырыфым щыIэхэм, абы и лэжьакIуэхэм Христос ЛIахэм КъазэрыхэтэджыкIыжа махуэшхуэ нэхумкIэ ехъуэхъуащ, IутIыж уэрэдхэр ягъэзащIэу, Урыс Члисэм Тхьэм папщIэ бэлыхь куэд зрагъэшэча, гуэныхьхэр зрагъэIуэтэжа и щихъхэм я фэеплъу.
Къулъшырыфым и благочиннэ иеромонах Елевферий (Казаков) IэфIыкIэхэр яритыжащ къулъшырыфым и щоджэнархимандрит – Псыхуабэ, Черкесск щIыналъэхэм я архиепископ Феофилакт къыбгъэдэкIыу, Христос ЛIахэм КъазэрыхэтэджыкIыжам, къулъшырыфым и «Второафонский листок» хъыбарегъащIэ къыдэкIыгъуэр дунейм къызэрытехьамкIэ фIыщIэ ищIу. НыбжьыщIэхэм зыхагъэгъуэзащ къулъшырыфым и тхыдэм, члисэ-тхыдэ музейм щыIащ, уэзджынэр ягъэзууащ. Гимназием и гъэсэнхэмрэ
егъэджакIуэхэмрэ IэфIыкIэхэр, IутIыж куличхэр къыхутрагъэуващ. Къулъшырыфым щыIэхэмрэ абы и лэжьакIуэхэмрэ гимназием и унафэщI щоджэн нэхъыжь Знаменский Иоанн фIыщIэ хуащIащ еджакIуэхэр къулъшырыфымрэ абы и лъапIэныгъэхэмрэ еплъыну Iэмал зэраIэм папщIэ.