2018 гъэм мазаем и 18-м Сафонов Василий и кхъащхьэм деж фэеплъ пэкIухэр щызэхуащIыжащ, дирижёр, пианист, егъэджакIуэ, жылагъуэ лэжьакIуэ цIэрыIуэр къызэралъхурэ илъэси 100 зэрырикъум теухуахэр. Василий и псэр зэгъэн папщIэ Тхьэ елъэIуну къызэхуэсащ Кавказ Ищхъэрэ къэрал филармонием щекIуэкIа фестивалым хэтахэр Кисловодск къалэм щыпсэухэмрэ абы и хьэщIэхэмрэ. ТхьэлъэIур иригъэкIуэкIащ къалэм и Никольскэ члисэ зэхуэхьэсам и унафэщI щоджэн нэхъыжь Знаменский Иоанн.
ТхьэлъэIум хэтхэм защыхуигъазэм, благочиннэм игу къигъэкIыжащ урыс музыкант цIэрыIуэм и псапащIэхэр. Ар хэтащ Кисловодскэ станицэм и Крестовоздвиженсэ члисэ ухуэныгъэмкIэ и Попечительскэ советым. Щоджэным ягу къигъэкIыжащ Сафоновхэ я унагъуэ кхъэлэгъунэхэр, некрополь псори къызэщIиубыдэу 1936 гъэм члисэ зэхуэхьэсам щIыгъуу зэхакъутауэ щытащ, иджы, члисэм и ктитор Музенитов Павел, щоджэнхэмрэ къалэдэс цIэрыIуэхэмрэ я фIыгъэкIэ Сафоновхэ я кхъащхьэм и щIыпIэм деж МелыIыч щагъэуващ икIи мывэм абдеж щыщIалъхьахэм я цIэхэр тратхащ.
Некрополыр зыхуей хуэгъэзэным ехьэлIа лэжьыгъэхэм пащэ, ауэ зи лэжьыгъэхэр Урысейм зиузэщIыным теухуа я хэкуэгъу лIы щэджащэм хуэгъэза я тхьэлъэIухэр зэпагъэуркъым.
Кисловодск щекIуэкIа юбилей тхьэлъэIухэр абыкIэ зэхуащIыжащ.