2018 гъэм щIышылэм и 1-м Псыхуабэ, Черкесск щIыналъэхэм я щихънагъ Феофилакт тхьэлъэIу литургие щригъэкIуэкIащ Успенскэ Второафонскэ Бештаурскэ цIыхухъу къулъшырыфым и Георгиевскэ члисэм.
Щоджэнархимандритым къулыкъур драгъэкIуэкIащ къулъшырыфым и щоджэнхэм, Псыхуабэ епархием и Административнэ секретариатым и унафэщI щоджэн Яковенкэ Илия, епархием къэзакъхэм ядэлэжьэнымкIэ и къудамэм и унафэщI щоджэн нэхъыжь Фещенкэ Стефан. ТхьэлъэIу уэрэдхэр жиIащ къулъшырыфым и хорым. ТхьэлъэIум щызэхуэсащ Кавказым и Минводы и къалэхэмрэ къуажэхэмрэ щыщу щIыналъэ лъапIэм къикIыу Тхьэ елъэIуну кIуахэр.
Щихънагъ нэхъыщхьэ Феофилакт Христос и Хъуромэ нэужьым къыхигъэщащ къулъшырыфым Тхьэм и Анэм и «Благодатная» тхьэнапэр къызэрахьар, къулъшырыфым папщIэ Афон Бгы ЛъапIэм щагъэхьэзырар.
ТхьэлъэIум хэта псоми иратащ Тхьэм и Анэм и теплъэр. А махуэм Пастыр нэхъыщхьэмрэ щоджэнхэмрэ ягу къагъэкIыжащ къагъэщIэрэщIэжа къулъшырыфым и япэ унафэщIу щыта архимандрит Силуан (Хараим) къызэралъхурэ илъэс 73-рэ зэрырикъур. Щихънагъым абы и кхъащхьэм деж тхьэлъэIу щригъэкIуэкIащ икIи удз гъэгъа трилъхьащ.