2017 гъэм дыгъэгъазэм и 27-м Псыхуабэ, Черкесск щIыналъэхэм я щихънагъ Феофилакт хэтащ къэзакъ щэнхабзэр фIыуэ зылъагъухэм я Тэрч зэгухьэныгъэм и правленэм. Ар щекIуэкIащ къэзакъхэм я духовнэ центрым – Псыхуабэ и Успенскэ члисэм икIи теухуауэ щытащ 2017 гъэм кърикIуахэмрэ етIанэгъэ къапэщылъхэмрэ. Правленэм и лэжьыгъэм хэтащ Тэрч къэзакъыдзэм и къэзакъ зэгухьэныгъэм и атаман, къэзакъ полковник Журавский Александр, лъэпкъ Iуэхухэмрэ къэзакъхэмкIэ щIыналъэ комитетым и лIыкIуэхэр. ЗэIущIэм и пэ къихуэу зэгухьэныгъэр къызэзыгъэпэщахэм я Советым и унафэщI Губенко Олег утыку кърихьащ иужьрей Тэрч къыдэкIыгъуэр.
КъыкIэлъыкIуэ ещанэ сборникыр зэIущIэм щытраухуащ тэрч къэзакъхэм я тхыдэдж, МГУ-м и тхыдэ факультетым и профессор Заседателевэ Лидэ илъэс 85- рэ зэрырикъумрэ 1974 гъэм къыдэкIа «Тэрч къэзакъхэр» тхылъыр къызэрыдагъэкIыжынумрэ.
ЗэIущIэм щытепсэлъыхьащ Евдокимовскэ, Губинскэ къеджэныгъэхэм кърикIуам. Апхуэдэу траухуащ Евдокимовскэ къеджэныгъэр къыкIэлъыкIуэу щрагъэкIуэкIынур. Ар 2018 гъэм накъыгъэм и 18-м ирагъэкIуэкIынущ. Губин къеджэныгъэхэр мы гъэм фестиваль щIыкIэм тету ирагъэкIуэкIынущ. Ар яхъумэну, зрагъэубгъуну къыхалъхьащ, фестивалым Тэрч къэзакъхэм я зэгухьэныгъэм щыщ псори ирагъэблагъэу. Къеджэныгъэхэр Минводы щрагъэкIуэкIыну яубзыхуащ.
Хабзэ хъуауэ зэгъусэ тхьэлъэIур Минводы 2018 гъэм бадзэуэгъуэм и 15-м щрагъэкIуэкIынущ икIи ар теухуауэ щытынущ пащтыхь унагъуэр зэраукIрэ илъэси 100 зэрырикъум. А унафэр зэгухьэныгъэм и правленэм и зэIущIэм къыщащтащ. Щихънагъ Феофилакт правленэм хэтхэу Губенко Олегрэ Савенко Сергейрэ, Псыхуабэ и лъахэхутэ музейм и унафэщIым яритащ медалхэр, Патриаршествэр зэрызэфIагъэувэжрэ илъэси 100 зэрырикъум папщIэ.