Быйыл декабрь айны 18-де Николай Чудотворец шыйыхны эсгериу кюнню аллы бла, Пятигорске бла Черкесскени архиепископу Феофилакт, Нарсананы Никольский клисасында Дин къуллукъ бардырды. Архиерейге дин къуллукъ болушлукъну , джуаблы православ динчи протоирей Знаменский Иоанны башчылыгъы бла Нарсана клиса окргуну динчилери этдиле. Архипастырь бла бирге табын этерге Нарсана курорт-шахарны джамагъаты бла къонакълары да келген эдиле. Владыканы аллына, Православ Свято-Никольский гимназияны къазакъчыкълары бла эмда шахар къазакъ джамагъатны атаманы Финенко Сергей джарыкъ тюбедиле. Дин къуллукъда, администрацияны, шахарны культура белюмюню келечилери , клисагъа болушлукъ этгенле аны кибик бу байрамны белгилерге Москвадан да къонакъла келген эдиле. Анда дин джырланы
Синявская Татиананы башчылыгъы бла гимназияны сохталарыны хору бла Красильникова –Минчук Татианы башчылыгъы бла да клисаны хору джырладыла. Мнджилни окъугъандан сора Архипастырь барын да бу байрам бла алгъышлаб ауаз да берди. Анда ол, бу шыйых адамны джашаууна таяна , бизге бюгюнлюкде бек керекли, аны дин ючюн этген джигитлигин ийманыны къатылыгъын юлгюге келтирди. Божий Николай джашагъанча бизни ийманда джашагъыз, динигизни сюйюгюз днб да чакъырыу этди. Канонну окъугъан сагъатда Владыка православ дин ахлулагъа елей джаудан джакъды. Дин къуллукъну аягъында архиепископ Феофилакт, бу клисаны тамадасын протоирей Знаменский Иоанны эмда бери келгенлени барын да бу джарыкъ байрам бла алгъышлаб, бирге табын этерге келгенлеге да джюрек разылыгъын билдирди.