Мы гъэм илъэс 80 ирокъу Тхьэм папщIэ бэлыхь куэд зрагъэшэча, Можайск и архиепископ Димитрий (Добросердов) дунейм зэрехыжрэ. Щэбэтым, 20I7 гъэм жэпуэгъуэм и 2I-м, Кисловодск къалэ-зыгъэпсэхупIэм и Пантелеимоновскэ члисэм екIуэлIапIэм и зэIущIэ щызэхэтащ Димитрий и фэеплъ махуэм теухуауэ. Тхьэм папщIэ бэлыхь куэд зрагъэшэча Димитрий Можайск и архиепископу, щихъыу и цIэр Iуа щхьэкIэ, Ставрополи къулыкъу щищIащ. Ар Ставрополь и епископу щытащ, иужькIэ Псыхуабэ епархием. А зэманым Димитрий и кафедрэр Кисловодск къалэм и Пантелеимоновскэ члисэм игъэIэпхъуауэ щытащ. Димитрий 1937 гъэм Бутовскэ полигоным щаукIащ.
Махуэшхуэр тхьэлъэIукIэ ирагъэжьащ. Ар иуха нэужь тхьэлъэIу лиутргие къызэрагъэпэщащ. Ар иригъэкIуэкIащ Кисловодск члисэ округым и екIуэлIапIэхэм я благочиннэ щоджэн нэхъыжь Знаменский Иоанн. Благочиннэм къулыкъур драгъэкIуэкIащ члисэм и унафэщI щоджэн нэхъыжь Акименкэ Сергий. Литургием Тхьэ щелъэIуащ члисэ екIуэлIапIэм кIуэхэр, къалэ-зыгъэпсэхупIэм и хьэщIэхэр, щIыналъэм и зэгухьэныгъэм и къэзакъхэр.
Литургие нэужьым благочиннэм тхьэлъэIум хэтхэм я деж нигъэсащ Псыхуабэ, Черкесск щIыналъэхэм я щихънагъ Феофилакт къыбгъэдэкI хъуэхъур. Абы ягу къигъэкIыжащ щоджэнархимандритым и лIыгъэр, и гъащIэр. Апхуэдэу абы къыхигъэщащ Урыс Члисэм Тхьэм папщIэ бэлыхь куэд зрагъэшэчамрэ гуэныхь зрагъэIуэтэжахэмрэ я лIыгъэм и мыхьэнэр. Апхуэдэу къэпсэлъащ унафэщI – щоджэн нэхъыжь Акименкэ Сергий.
Члисэм и пщIантIэм зэхуэсахэр щрагъэплъащ махуэшхуэ программэ притчым, тхьэмахуэ школым и гъэсэнхэм, къэзакъхэм ягъэхьэзырам. Члисэм деж щагъэува экранымкIэ къагъэлъэгъуащ «Благоловенный Кавказ» студием игъэхьэзыра фильм Димитрий теухуар. Зэхуэсахэм я пащхьэм къыщыпсэлъащ члисэм и унафэщI щоджэн нэхъыжь Акименкэ Сергий. Абы ягу къигъэкIыжащ Урыс Члисэм Тхьэм папщIэ бэлыхь куэд зрагъэшэчахэмрэ гуэныхьхэр зрагъэIуэтэжахэмрэ я лIыгъэм пщIэ хуэщIыным и мыхьэнэм. Фильмыр епархием и студием къызэригъэпэщахэм ящыщ зыщ. Фильмыр гъэхьэзырыным хэтащ Пантелеимоновскэ члисэм и япэ унафэщI щоджэн нэхъыжь Величко Вячеслав. Ар фильмым Тхьэм папщIэ бэлыхь куэд зрагъэшэча Димитрий щытопсэлъыхь. Тхьэмахуэ школым и гъэсэнхэр къеджащ Тхьэм папщIэ бэлыхь куэд
зрагъэшэчахэм ятеухуа усэхэм, абы я лIыгъэр зэрыщапхъэр къызыхэщхэм. ЕкIуэлIапIэм и хорым хэтхэмрэ тхьэмахуэ школым и гъэсэнхэмрэ ягъэзэщIащ «Гимн Православию» уэрэд Сербский Николай итхар. Зэхуэсахэм тхьэнапэхэр тыгъэ хуащIащ, Тхьэм папщIэ бэлыхь куэд зрагъэшэчам и теплъэр къищу. Махуэшхуэ зэхыхьэм щагъэлъэпIащ щоджэн нэхъыжь Акименкэ Сергий, къэзакъхэм янэIэ тегъэтыным хэлъхьэныгъэфI зэрыхуищIам папщIэ. Атаман, генерал-майор Правоторов В. Г. хъуэхъуащ. Щэнхабзэ программэр и кIэм нэблэгъа нэужь, Iэнэ ягъэуващ, екIуэлIапIэм кIуэхэмрэ къэзакъхэмрэ ягъэхьэзырауэ.