Дэтхэнэ зы егъэджакIуэри сабийхэм я гъэсэныгъэм хэтын хуейщ! А къыхуеджэныгъэм щIэту 2017 гъэм шыщхьэуIум и 17-м Чристэн Свято-Никольскэ классическэ гимназие Кисловодск дэтым щекIуэкIащ «Педагогические технологии в православной школе» зэIущIэ. Абы хэтащ гимназием и егъэджакIуэхэр, философие щIэныгъэхэм я кандидат, Урыс Чристэн Члисэм дин щIэныгъэмрэ катехизацэмкIэ и Синод къудамэм чристэн егъэджэныгъэмкIэ и секторым щIэныгъэ-методикэ лэжьыгъэмкIэ и IэщIагъэлI Шестаковэ Светланэ.
Лэжьыгъэр зэрырагъажьэм арэзы техъуащ Чристэн гимназием и щоджэн нэхъыжь Знаменский Иоанн. Абы Светланэ зыщыхуигъазэм фIыщIэ хуищIащ къыхуищIа гулъытэм папщIэ икIи фэеплъ саугъэтхэр иритащ икIи апхуэдэ зэIущIэхэм мыхьэнэшхуэ зэраIэр къыхигъэщащ.
Зэхыхьэм хыхьэу кърихьэлIахэр тепсэлъыхьащ педагогикэ технологиехэм, творческэ лабораториехэм, 4 класс пщIондэ ОПВ-мрэ ОПК-мрэ я дерсхэм япкъ иткIэ учебнэ планыр зэхэгъэувэным ехьэлIа Iуэхугъуэхэм.
Светланэ Синод къудамэм дин щIэныгъэмрэ катехизацэмрэ ехьэлIа и щIэныгъэмкIэ ядэгуэшащ, егъэджэныгъэ IуэхущIапIэм къыщыхъуа зэхъуэкIыныгъэхэм къытеувыIащ икIи къыхигъэщащ члисэславяныбзэр джыным и мыхьэнэр зэрыиныр.