Быйыл июнь айны 26-да Нарсананы Никольский клисасында Пятигорске бла Черкесскени архиепископу Феофилакт орта билим алгъаннга шагъатлыкъ этген аттестатла бла эмда окъууну джетишимли бошагъан православ гимназияны выпускниклерине алтын майдалла берди. Кърал документни берирден алгъа Архипастырь разылыкъ дуа окъуду. Архиерейге дин къуллукъ болушлукъну гимназияны директору протоирей Знаменский Иоанн эмда клиса шататны динчилери этдиле. Гимназиячыла бла бирге устазла, класс тамада устаз Сохина Ольга, ата-анала, джуукъ-тенг да тилекле этдиле. Выпускниклени алгъышларгъа, социал сорууланы хакъындан шахарны администрациясыны тамадасыны орунбасары Загуменная Татьяна, шахар башчыны болушчусу Галий Сергей, гимназияны Осуйлукъ советини председатели Калугин Валерий билим бериу управленияны устасы Нещерет Елена келген эдиле. Дуадан сора гимназияны директору протоирей Знаменский Иоанн Архипастыргъа балай айтды: « Бизни шахарда выпускниклени саны аз тюлдю, алай а, классда онеки сохтадан алтысы медал алгъан школ джокъду. Ол алтын майдалла бизни гимназиячылагъа башха тамам саугъа бла байлаймлашдырадыла. Эресей дараджалы майдалладан сора дам Ставрополь крайны юч тюрлю майдалы барды, ол себебден ала эки айланыб да майдаллы болгъандыла, Сизни Сыйлылыгъыгъыз! Кесини сезюнде да архиепископ Феофилакт былай айтды: « Сизде алты медаоист барды де байта эсегиз, ол себебден хар атагъа хар анагъа хар устазгъа бериге тыйыншлыды медалла. Бу джарыкъ кюнюгюз бла барынгы да таза джюрекден алгъышлайма. Мен энтда тебсиде олтургъан сагъатыбызда да айтырыкъма сизге ариу сезле. Алай а джюрекге такъырлыкъ келтирген бир затны айтайым. Мен сизге къараб кесими джарыкъ джаш заманымы эсге тюшюреме. Ол заман мени джюрегимден кетмей сакъланады.Ол заманда да ма бусагъатда сизникезлеригиз бла мен да джашаугъа тири къарагъанма хар несине да джутланыб. Ары къараб чекчиз узакъны кере эдим. Айтыргъа кереклиси, джылла кете барсала да ол къарам адамда тюрленмейди, джылынг келе хар нени да терен ангылай, билим алыуну юсю бла энчи сынамны кючю бла , тенглеринги болушлугъу бла джашауну узагъына къарай бараса. Ала сени имбашларына олтуртуб, джашауунгу кенг къарам атаргъа ерге келтюредиле. Сизни къарамыгъыз да джашаугъа алай джити болсун, хаман да унутмагъыз ол бары да Аллахны кючю бла эмда сизге джан берген ата-ананы, сизге акъыл-билим берген устазланы хаман да билек болгъан тенглени кючлери бла баджарылгъанын. Хаман ол къарамыгъыз джашауда тюз болургъа Аллах болушсун. Аны тышында да сизни джашауугъузда тюбериу сынамладан, вузлагъа кирирге берлик экзаменлеригизде джешимли етерге Аллахдан боллушлукъ тилейме». Андан сора гимназияны выпускниклерине ашхы сезлени шахар администрацияны башчысыны социал солруула джаны бла орунбасары Загуменная Татьяна айтды. Ол, Нарсана шахарны башчысы Курбатов Александрны атындан выпускниклени алгъышлаб, школланы выпускниклерине Ставрополь крайны губернатору Владимиров Владимирни ийген алгъыш да окъуду. Дагъыда алгъыш сезлени талай келген къонакъладан да айтхан эдиле. Архипастырь тюненеги гимназиячылагъа аттестатла бла джетишимли окъгъанларына шагъатлыкъ этген алтын майдалланы берди. Церемониядан сора Архиерей выпускникле бла ата-анала бла устазла бла бирге олтуруб чай иче ушакъ да этди.