2017 гъэм мэкъуауэгъуэм и 14-м Псыхуабэ, Черкесск щIыналъэхэм я щихънагъ нэхъыщхьэ Феофилакт хэтащ «Теология в гуманитарном образовательном пространстве» япэ урысейпсо щIэныгъэ конференцым. Урысей Федерацэм Егъэджэныгъэмрэ щIэныгъэмкIэ и министерствэр и дэIэпыкъуэгъуу, «МИФИ» Лъэпкъ щIэныгъэхутэ ядернэ университетымрэ Аущхэу Кириллрэ Мефодийрэ я цIэкIэ щыIэ Члисэпсо аспирантурэмрэ докторантурэмрэ щекIуэкIа зэхыхьэр къыхэзылъхьахэм я мурадыр зыхуэунэтIар теоретикэ щIэныгъэр зэрызэфIэувам теухуауэ иджырей зэманым зыгъэпIейтей теоретикэ, практикэ Iуэху зэIумыбзхэм, теологие егъэджэныгъэ программэхэм я зыужьыныгъэм тепсэлъыхьынырщ.
Зэхыхьэм хэтащ икIи и хьэщIэ лъапIэ хъуащ чристэн иерарххэр, дин лэжьакIуэхэр, Урысейм и дин зэгухьэныгъэхэм я унафэщIхэр, Урысей Федерацэм и Президентым и Администрацэм и лIыкIуэхэр, Урысейм Егъэджэныгъэмрэ щIэныгъэмкIэ и министерствэм, Егъэджэныгъэмрэ щIэныгъэмкIэ къэпщытэнымкIэ федеральнэ службэм, аттестацэ комиссэ нэхъыщхьэм, Вузхэм теологиер щегъэджынымкIэ Москва Патриархатым и Межведомственнэ координационнэ гупым я лIыкIуэхэр, еджапIэ нэхъыщхьэхэм я ректорхэр.
Урыс Чристэн Члисэм къыбгъэдэкIыу конференцым хэтащ – Москва Патриархатым члисэ зэпыщIэныгъэхэмкIэ и къудамэм и унафэщI, Аущхэу Кириллрэ Мефодийрэ я цIэр зезыхьэ Члисэпсо аспирантурэмрэ докторантурэмрэ я ректор, МИФИ-м теологиемкIэ и кафедрэм и унафэщI, Волоколамск и митрополит Илларион, Тульскрэ Ефремовскрэ я митрополит Алексий; Самарскрэ Тольяттинскрэ я митрополит Сергий; Казанскрэ Татарстанскрэ я митрополит Феофан, Тамбовскрэ Рассказовскрэ я митрополит Феодосий, Кемеровскрэ Прокопьевскрэ я митрополит Аристарх, Ставропольскрэ Невинномыскрэ я митрополит, Ставрополь духовнэ семинарием и ректор Кирилл, Саранскрэ Мордовскрэ я митрополит, Саранск и духовнэ семинарием и ректор Зиновий, Смоленскрэ Дорогобужскрэ я митрополит Исидор, Урыс Чристэн Члисэм и Егъэджэныгъэ комитетым и унафэщI, Верейск и щихънагъ нэхъыщхьэ, Москва и духовнэ академиемрэ семинариемрэ я ректор Евгений, Дмитровск и епископ Феофилакт, Рыбинскрэ Даниловскрэ я епископ Вениамин, Тихвинскрэ Лодейнопольскрэ я епископ Мстислав, Зарайск и епископ, Коломенскэ духовнэ семинарием и ректор Константин, Глазовскрэ Игринскрэ я епископ Виктор, Среднеуральск и епископ Евгений, Чристэн Свято-Тихоновскэ гуманитар университетым и ректор, щоджэн нэхъыжь Воробьев Владимир, РПУ-м и ректор игумен Пётр (Еремеев), Курск и духовнэ семинарием и архимандрит Симеон (Томачинский), Николо-Угрешскэ духовнэ семинарием и ректор игумен Иоанн (Рубин), ПСТГУ-м и декан щоджэн нэхъыжь Хондзинский Павел, Богослов, пастыр егъэджэныгъэмкIэ институтым и унафэщIым и къуэдзэ щоджэн нэхъыжь Скоморох Олег, Москва къалэм и епархием дин щIэныгъэмрэ катехизацэмкIэ и къудамэм и унафэщI, иеромонах Онисим (Бамблевский), ПСТГУ-м щIэныгъэмкIэ и проректор Польсков Константин, ОЦАД-м егъэджэныгъэ лэжьыгъэмкIэ и проректор, иеромонах Иоанн (Копейкин), ОЦАД-м щIэныгъэ лэжьыгъэмкIэ и проректор Шмонин Д. В., нэгъуэщIхэри.
Зэхыхьэр щыщIидзэм Волоколамск и митрополит Илларион Мосварэ Урысей псомрэ я Патриарх Кирилл и фIэхъусыр зэхуэсахэм ярихащ. Егъэджэныгъэмрэ щIэныгъэмкIэ министр Васильев О. Ю. конференцым къыщыпсалъэм къыхигъэщащ Урысейм теологиемкIэ и кандидатхэмрэ докторхэмрэ я нагъыщэхэр зэрыщатынум теухуа зэгурыIуэныгъэм Iэ зэрыщIадзар. «Теологие» специальностыр Урысейм 2015 гъэм къыщыунэхуащ, арщхьэкIэ теологхэм я нагъыщэ иджыри къэс щыIакъым.
Урысей Федерацэм и Президентым и Администрацэм и Iэтащхьэ Вайно А. Э. къыхигъэщащ Урысейм теологиер щIэныгъэ, егъэджэныгъэ дисциплинэу зэрыщыщытыр, властыр, дин IуэхущIапIэхэр, егъэджакIуэ, эксперт гупхэр гуманитар щIэныгъэм зрагъэужьын папщIэ зэрызэдэлажьэр. Зэрызыкъыхуагъазэм къеджащ УФ-м и Президент Фурсенко А. А.
Егъэджэныгъэмрэ щIэныгъэмкIэ министерствэм и аттестацэ комиссэ нэхъыщхьэм и унафэщI, зэныбжьэгъугъэмкIэ Урысей университетым и ректор Филиппов В. М. къызэрилъытэмкIэ, теологие егъэджэныгъэм Урысейр иджыпсту мифхэр я лъабжьэу щаухуэ. Абы жиIащ теологием диным и мызакъуэу, щIэныгъэ зыбжанэ къызэрызэщIиубыдэр, нэхъыбэр гуманитар щIэныгъэу.
АдэкIэ Москва Патриархатым члисэ зэпыщIэныгъэхэмкIэ и къудамэм и унафэщI, Члисэпсо аспирантурэмрэ докторантурэмрэ я ректор, Волоколамск и митрополит Илларион къеджащ «Теология в современной России: становление отрасли» докладым.
Пленарнэ зэIущIэм хыхьэу Стрихановым и цIэр зезыхьэ Лъэпкъ къэхутэныгъэмкIэ ядернэ университетым и ректорымрэ Минин Козьма и цIэр зезыхьэ Нижегородскэ къэрал педагогикэ университетым и ректор, философие щIэныгъэхэм я доктор, профессор Фёдоров А. А. сымэ къэпсэлъащ.
Зэхуэсым и программэм хыхьэу а махуэм апхуэдэу зэIущIэхэр мы темэхэмкIэ екIуэкIащ: «Теология как отрасль знания: проблемы и перспективы», «Теология и образовательные стандарты», «Теология как пространство межконфессионального сотрудничества». «Теология в гуманитарном образовательном пространстве» Япэ урысейпсо щIэныгъэ конференцым и лэжьыгъэм мэкъуауэгъуэм и 15-м пащащ.