Россейни МВД-ны СКФО-да гу сайты билдиргеннге кёре, 2026-чы джыл ноябрны 9-да Баш управленияны джеринде къуллукъ борчларын толтургъанда ёлген къуллукъчуланы эсгериуге аталгъан мероприятие болуб етдю. Ол кюн мемориалны къатында ведомствону башчылыгъы, ёлген къуллукъчуланы юйдегилерини членлери, ич ишлени органларыны ветеранлары, Джамагъат советни келечилери джыйылдыла.
Мероприятияны Эресейни МВД-ны СКФО-да гу-ну тамадасы полицияны генерал-полковниги Бачурин Сергей ачды.
Джыйылгъанлагъа Дагъыда Пятигорске бла Черкесскени Архиепископу Феофилакт, СКФО-ну ич ишлерини органларыны ветеранларыны Координацион советини председатели Гречко Владимир селешдиле. Кеслерини сёлешиулеринде мемориал плиталада салыннган хар тукъумну артында кесини къоркъуусузлугъун тюл, борчну сайлагъан адамны къадары болгъанын чертгендиле.
Сёлешиуледен сора джыйылгъанла, метрономну тауушу бла бир минут шошлукъ этиб елгенлеге сый бердиле. Ызы бла гюлле салыу башланды. Мемориалгъа Биринчи Болуб Главкны башчылары келдиле, аланы ызларындан - ёлгенлени юйдегилерини членлери, ветеранла, ишлеген къуллукъчула. Плиталаны этеклерине келгенле къызыл гвоздикала салдыла.
Баш управленияда ёлген къуллукъчуланы эслерин къуру ведомствону музей экспозициясында эмда архив документледе сакълайдыла - ол аланы ишлерин бардыргъанланы хар кюнлюк ишлеринде эмда эм джууукъларын тас этгенлеге къайгъырыуда джашайды. Мемориалны къатында джыл сайын тюрлю - тюрлю адамла - башчыла, ветеранла, юйдегиле, джаш полициячыла джыйылгъанлары да, бу эс формальность тюлдю, ведомствону бютеулей историясыны бир кесегиди, аны сакълайдыла эмда андан ары бередиле.
Россейни МВД-Ны СКФО-ну сайтыны материалларына кёре