Черкесскени битеулю билим берген школларыны волонтёр биригиулерини къатышыучулары Никольский соборну Килисасыны эмда къазакъларыны тарих музейине бардыла. Экскурсия «Волонтёрла наркотиклеге къажау»программаны чеклеринде бардырылгъанды.
Школчулагъа экскурсияны Никольский соборну динчиси иерей Гурин александр бла «Царьград» джамагъатны регионал бёлюмюню тамадасы Струговцов Денис бардырдыла.
Музей бла танышыу «Энчи аскер операция»деген экспозициядан башланнганды. Школчула СВО — гъа къошулгъан джердешлерини юсюнден хапарлы болдула, аскерчилени энчи затларын, трофей техниканы эмда уруш баргъан зонадан башха экспонатланы кёрдюле. Экскурсоводла Энчи аскер операцияны эмда Къарачай-Черкесияда джашагъанла этген доброволец болушлукъну чурумларындан хапар айтдыла.
Андан сора сохтала Клисаны эмда къазакъланы тарихине аталгъан экспозицияла бла шагърей болдула. Ала Къарачай-Черкесияны буруннгу христиан эсгертмелерини, Баталпашин сермешни эмда Черкесскени тарихини юслеринден хапарлы болдула. Школчула къазакъла бла таулуланы миллет кийимлерин, турмуш затларын, Аны кибик Уллу Ата джурт къазауатха къошулгъанланы керти орденлери бла медалларын да кёрдюле.