2026-чы джыл октябрны 3-де Ессентюк стансени культура Юйюнде Тау аллы район къазакъ джамагъатны отчёт-сайлау тёгереги болуб етдю.
Тёгерек башланырны аллы бла къазакъла бютеулей дуа этдиле. Андан сора Тау Аллы район къазакъ джамагъатны атаманы Тополь Александр ишни юсюнден отчёт берди. Чёб атыуну эсеби бла къазакъла аны джангыдан атаманнга сайлагъандыла.
Тёгерекге къошулгъанла къазакъ джамагъатны башчылыкъ этген органларын да сайлагъандыла. Тау Аллы район къазакъ джамагъатны къурамына Джангы къуралгъан горный поселокну хутор къазакъ джамагъатын алгъандыла.
Къазакъла бла байламлылыкъ джюрютген епархия белюмню члени иерей Букарев Андрей атаман бла къазакъланы отчёт-сайлау тёгерекни бошалгъаны бла алгъышлады. Дин къуллукъчу кесини сёзюнде православ христианлыны джашауунда дуаны магъанасын эсгертиб, къазакъгъа кесини джашауун ийманда, тилекде къураргъа кереклисин чертди.
Тёгерекни аягъында джыйылгъанланы аллында къазакъ творчество коллективле селешдиле.