2026-чы джыл сентябрны 16-17-де Москва бла Бютеу Эресейни Сыйлы Патриархы Кириллни разылыгъы бла, апостоллагъа тенг болгъан Сыйлы Кирилл бла Мефодий атлы Бютеуэресей аспирантурада эмда докторантурада тюрмеде дин къуллукъчулагъа квалификацияны ёсдюрюуню курсларын ётдюле. Окъутууну «Пастырское служение в исправительных учреждениях Уис Российской Федерации»деген темагъа атадыла.
Москвагъа Орус Православ Клисаны 32 епархиясындан 55 дин къуллукъчу келгенди. Программагъа лекцияла, семинарла эм тёгерек столла киргендиле.
Сюрюучюле Килисаны тюрмеде къуллукъ этиуню бусагъатдагъы джоллары бла, уголовно-исполнительный системаны ишини энчиликлери бла эмда закон чыгъарыуну тюрлениулери бла шагърей болдула. Дин къуллукъчула дагъыда тюзетиу колониялада, следствие изоляторлада эмда тюрмеледе сюд этилгенлени тин ашатыуну сюзгендиле, пастыр ишни сынамын алышхандыла.
Пятигорск епархияны курслада Сауутлу кючле бла, джорукъ сакълагъан органла бла эмда пенитенциар учреждениеле бла байламлылыкъ джюрютген епархия белюмню къуллукъчусу Молдованов евгений теджеди. Дин къуллукъчу Къабарты-Малкъар Республиканы 5-чи НОМЕРЛИ КП ФКУ-да сюд этилгенлени дин джаны бла тойдурады.
Тюрмеде къуллукъ Этиуню Юсюнден Синод белюмню председатели иерей Марковский Кирилл, зор бла тутхан джерледе пастыр къуллукъну энчиликлеринден хапар айтды.
Къатышыучуланы аллында Россейни ФСИН-ни къуллукъчулары да сёлешгендиле. РОССЕЙНИ ФСИН-ни юйретиу, социал эм психология Иш Управлениясыны ийнаннганла бла ишни къурау бёлюмюню таматасы Гуров Сергей ведомствону дин организацияла бла бирге ишлеуюню юсюнден айтханды. ОЛ уис-ни учрежденияларыны жеринде табыныучу юйледе бла тилек отоулада низамлы излемлени сакълауну энчиликлерин ангылатханды.
РОССЕЙНИ ФСИН-ни УВСПР-ни психология ишни къурау бёлюмюню таматасыны орунбасары Татьяна Бакунина пенитенциар психологла бла тутмакъ динчилени ишекли болгъанланы, терсленнгенлени эм сюд этилгенлени арасында бузукълукъну профилактикасында бирге ишлеулерини сынамын айтханды.
Россейни ФСИН Академиясыны терслеу-толтуруучу право эм сюд этилгенле бла юйретиу ишни къурау кафедрасыны устазы Соколов Александр тюзетиу учрежденияланы бёлюмлерини бла службаларыны ишлерини энчиликлерини юслеринден айтханды.
Сретенский дин академияны тамада устазы, Православиядан кетген адамланы клиса реабилитация Этген Комиссияны эксперти, Москва шахарны Епархия советини къатында Андрей Солодков «Богословско-практические аспекты противосектантского служения: оккультизм, неоязычество, восточные движения»деген лекцияны окъуду.
Курслагъа къошулгъанла, сюд этилгенлени Клисаны Адетлерине къошулгъанларын, кеси кеслерин ёлтюргенлени профилактикаларын, энчи аскер операцияны бардыргъан зонагъа баргъан адамланы дин джаны бла айнытыуну ЭМДА УИС-ни къуллукъчулары бла джарыкълыкъ ишни сюздюле.
Узакъдан келген технологияланы болушлугъу бла ниет билим алыргъа онглагъа энчи эс бургъандыла. 2025-2026-чы джыллада УИС-ни талай учреждениесинде сюд этилгенле «Основы православной веры»деген курсну тинтген пилот проектле ётгендиле.
Дерслени кезюуюнде дин къуллукъчула соруула бердиле, пастыр практикадан къыйын ишлени сюздюле эмда къуллукъ этиуню сынамларын юлешдиле.
Окъууну бошагъандан сора, къатышханла усталыкъларын кётюрюу курсланы ётгенлерини юсюнден документле алгъандыла.