Нальчикге Къабарты-Малкъар Республиканы къыраллыкъ Кюнюне баргъан кезиуюнде пятигорск бла Черкесскени архиепископу Феофилакт регионну башчысы Къазбек Коков бла тюбешгенди.
Ушакъ нёгерле конфессияла арасы иш джюрютюулени бегитиуню, Къабарты-Малкъарны эмда Бютеу Эресейни халкъларыны къарнашлыкъ эмда бирликлерини адетлерин сакълауну сюзгендиле.
Къазбек Коков архиепископ Феофилактха республикагъа эс бёлгени, аны адамларына алгъышлагъанлары эмда ашхы тилеклери ючюн разылыгъын билдирди. Регионну башчысы дагъыда архипастырны дин хазнасын сакълаугъа эмда Къабарты-Малкъарны православ джамагъатына болушуугъа къошхан юлюшюн чертди.