Жангы окъуу жылны аллында Зеленчук районда Терроризмге къажау комиссияны планлы жыйылыуу болгъанды. Къыбыла Каачай-Черкес округну благочинныйи иерей Якушев Александр, эл поселокланы администрацияларыны башчылары, кюч ведомстволаны, билим бериу, культура эмда саулукъ сакълау учрежденияланы башчылары бла къуллукъчулары школлада къоркъуусузлукъну мадарларын сюзгендиле.
2026-чы джыл сентябрны 1-де билим берген учреждениялада билим Кюнюне аталгъан къуанч линейкала ётерикдиле. 31-чи август бла 1-чи сентябрда полицияны, Росгвардияны эмда МЧС-ни къуллукъчулары кючлю дежурство этерикдиле. Линейкала башланырны аллында специалистле школланы къатында жерлени тинтедиле. Билим бериу учрежденияланы къатында аракъы продукцияны сатыугъа да чеклениуле кийирликдиле. Керек болса медицина службала терк болушлукъ этерикдиле. Муниципалитетде жамауат-политика болум тынч къалады. Аны бла бирге сабийлени къыйын болумланы эм къоркъуусузлукъларын болдурмазгъа энчи эс бурлукъдула. Джыйылыугъа къошулгъанла, 2026-чы джыл сентябрны 18-ден 20-на дери россия Федерацияны КЪРАЛ Думасыны ix-чу чакъырылыууну депутатларын сайлаугъа хазырланыуну да сюздюле. Специалистле сайлау участоклада къоркъуусузлукъ системаланы эм аланы техника жалчытыуларын тинтедиле. Кюч ведомстволаны къуллукъчулары участок сайлау комиссияланы председателлери бла членлерине инструктаж бардырлыкъдыла. Чёб атыу кюнледе джорукъ сакълагъан органла участоклада эмда къатындагъы территориялада джамагъат мизамгъа къарарыкъдыла. Дагъыда бир тема терроризмге къажау кюрешде бирлик Кюннге хазырланыу болду. 2004 джылны 1-3 — чю сентябрында террорчула Шимал Осетия-Алания Республикада Беслан шахарны 1-чи номерли школун кючлейдиле. Къыйынлыкъны къурманлары сабийле бла абаданла болгъандыла. Право сакълаучу органланы къуллукъчулары бла къутхарыучула да ёлгендиле. Террорист актланы къурманларыны эсге тюшюре, билим бериу бла культура учреждениялада эсгериу акцияла бардырыллыкъдыла. Аланы къатышыучулары жесирлени къутхаргъан ёлгенлени бла жигитлени эслерине тюшюрлюкдюле. Джаш тёлюню терроризм бла экстремизмни унамауну, бир-бирине сый бериуню, къралны келлик заманы ючюн бирликни эмда джууаблылыкъны сезимин юретиуге айырыб эс бёллюкдюле.