2026-чы джыл августну 26-да Нальчик шахарны Сыйлы Симеон Столпник соборунда Пятигорск епархияны Нальчик клиса округуну динчилерини джыйылыуу бла тобагъа къайтыулары болуб етдю.
Жыйылыугъа КЪБР-ни миллетле эм жамауат проектле жаны бла министрини къуллугъун толтургъан Джамбулат Гергоков къатышханды. Къошулгъанла радикализм бла неонацизмни идеологиясын джайыугъа къаршчылыкъ этиуню, миллетле бла динле арасы келишиуню бегитиуню, аны кибик сайлау процессде миллет эмда дин факторланы хайырландырыуну болдурмауну сюзгендиле.
Къоркъуусузлукъ паспортлагъа, видеокёзетиу системалагъа, от тюшюу эм терроризмге къажау къоруулаугъа энчи эс бургъандыла.
Тобагъа къайтырны аллы бла благочинияны динчиси протоиерей Лиманов Гермоген къарнашлагъа насийхат сёз бла сёлешди. Ол дин ахлулагъа къуру сёз бла болуб къалмай, кесини джашауу бла да юлгю болгъан, тин-адеб-намыс багъаланы сакълау эмда сюрюучюню сыфатыны юсюнден айтханды.