11-чи июлну ингиринде, биринчи баш абустолла Петр бла Павел Шыйыхланы байрамыны аллы бла, Пятигорске бла Черкесскени архиепископу Феофилакт Ессентюк шахарны Петропавлов клисасында кечеги дин къуллукъгъа башчылыкъ этди. Архиерейге къуллукъ этдиле: Пятигорск епархияны Административ секретариатыны тамадасы Иерей Яковенко Илия, благочинный протоиерей Фещенко Стефанны башчылыгъы бла Ессентюк клиса округну динчилери эмда протодиакон Куба Димитрий. Дин къуллукъда Архипастырь, окъуучугъа хиротесия этиб, ставрополь дин семинарияны студенти Десетириков Даниялны иподиаконнга салды. Дин къуллукъдан сора Владыка суаблыкъ байрам концертге барыб клисагъа джюрюген джамагъатны алгъышлады.
12-чи июлда, байрамны кюнюнде, архиепископ Феофилакт, Новопавловск шахарны Ишлене тургъан Петропавлов клисасында, Новопавлов округну благочинныйи, клисаны тамадасы иерей Гордин Александрны болушлугъу бла Дин литургия бардырды. Диакон чыннга протодиакон Димитрий Куба башчылыкъ этди. Литургиядан сора Архипастырь къачлы джюрюшге башчылыкъ этиб, клисаны кёкде джакъчыларына махтау салыб джамагъатны суаблыкъ этгенлеге эмда уруннганларына саугъала берди.
Ол кюн Огъунакъ Архиерей шахар округну башчысы Новопашин Николай бла бирге Новопавловская стансени къурагъан къазакълагъа аталгъан мемориалгъа гокга хансла салдыла.