2026-чы джыл июнну 1-де Ессентюк шахарны Сыйлы Троица клисасыны джамагъаты тахтаны байрамына тюбедиле.
Байрам кюн кёп ийнаннганланы жыйгъанды. Табыныучу юйню жангы гюлле бла жашилликле бла жасагъандыла. Дин къуллукъгъа уллула бла сабийле тилек этдиле. Сыйлы Причастиягъа биринчи болуб эм джаш клисагъа джюрюген джамагъат келдиле.
Дин литургиядан сора клисаны тамадасы иерей Букарев Андрей, клиса адетдеча Сыйлы Троица байрамда этилген тобукъланыб тилекле окъуду.
Клисагъа джюрюген джамагъатха айланыб, Андрей бабас, арт джыллада приход эсленирча ёсюб, бегигенин чертди. Клисаны тамадасы, бирге дуа этиб клисагъа болушханлары ючюн муъминлеге разылыгъын билдирди. Адетдеча дин къуллукъдан сора клисагъа джюрюген джамагъатланы барына да байрам сыйла бердиле.
Троицкий приходну тарыхы бир ёмюрден артыкъ барады. Сыйлы Троица ючюн биринчи клисаны Ессентюкде 1914-чю джыл Романов майданда ишлегендиле. Къурулуш комитетге Пантелеймон клисаны тамадасы протоией Попов Иоанн башчылыкъ этди. Таш фундаментде агъач клисаны проектин инженер-генерал Л.Г. Малеев хакъсыз хазырлагъанды. Къурулушха ахчаны шахарны адамлары бла курортну солугъанлары бергендиле. Жандауурлукъ этгенлени арасында белгили орус актриса Мария Савина бар эди. Храмны 1915 жылны жайында сыйлы этгендиле.
Революциядан сора килиса жангыртыучулагъа кёчгенди. 1938 жылны ноябрь айында властьла табыныучу юйню жапхандыла. 1942 жылны кюзюнде анда дин къуллукъла жангыдан башланнгандыла. Хрущёв зулмулукъланы кезиуюнде приходну ахыры бла джабдыла. Мекям сют заводну жеринде болду. Кечирек былайда кинотеатр бла завод клуб орналгъандыла. 1990-чы джыллада алгъыннгы клисаны предприятиени башха мекямлары бла бирге чачхандыла.
2002 жылда Троицкий приходну жангы жерде жангыртхандыла. Биринчи дин къуллукъланы жарашдырылгъан къурулуш вагончукъда этгендиле. Кечирек былайда Сыйлы дин бий Александр Невский Шыйыхны сыйына аталгъан клиса ишлегендиле, андан сора Уллу Троицкий клисаны ишлеб башлагъандыла.
2025-чи джыл июль айны 5-де Троицкий приходну 110 джыллыгъында, Пятигорске бла Черкесскени архиепископу Феофилакт, Сыйлы Троица шыйыхны сыйына аталгъан джангы клисагъа уллу нюр салгъан адетни этди. Бу иш клисагъа джюрюген джамагъатха уллу тин къууанч болду.