Бу ыйыкъда Черкесскеде славян джазма бла культураны Кюнюне аталгъан «Русский язык — основы единства народов России» деген фестиваль ачылгъанды.
Байрам Никольский собордан Кирилл бла Мефодий шыйыхланы эсгертмесине къачлы джюрюш бла башланды. Эсгертмени къатында къатышыучула тилек этдиле.
Къачлы джюрюшге 500-ден аслам адам къошулгъанды: Къарачай-Черкесияны Башчысыны администрациясыны, КЪЧР-ни миллетлени ишлерини, кёбчюлюк коммуникацияла бла басманы Министерствосуну келечилери, Черкес округну благочинныйи протоиерей Нартов Александр башчылыкъ этген динчиле, къазакъла, клисаланы джамагъаты, студентле, устазла эмда шахарны адамлары.
Дуадан сора Черкесскени ара паркында байрам концерт болуб етдю. Къараучуланы алларында Никольский соборну эмда Покров клисаны джыйымдыкъ хорлары, Покров клисаны сабий хору эмда шахарны творчество коллективлери селешдиле. Къонакълагъа кёрмючле бла мастер-классла хазырлагъандыла.
Байрамны кезюуюнде Никольский соборну эмда Покров клисаны доброволецлери къачлы джюрюшге Къошулгъанлагъа, Сыйлы Троица байрамгъа аталгъан Синод миссионер белюмню буклетлерин чачдыла. Волонтерла шахарны адамларына байрамны тин магъанасындан эмда аны бла байламлы клиса адетледен хапар айтдыла.