Джарыкъ Пасха байрам бла муъминлени Эресейни Президентини СКФО-да толу эркинликли келечиси эмда Пятигорск епархияны приходлары кирген эресей Федерацияны субъектлерини башчылары алгъышладыла.
"Сыйлы Шимал Кавказны адамлары! Масихни Жарыкъ Тиргизилгени бла сизни жюрегимден алгъышлайма! Бу уллу байрам джашауну, ашхылыкъны хорламын, тёлюлени айырылмазлыкъ тин байламлыкъларын белгилейди. Ол миллионла бла ийнаннганланы ёмюрлюк багъалыкъланы - джумушакълыкъны, сюймекликни эмда тюзлюкню тёгерегинде бирикдиреди», - деб Айтылады Президентни толу келечиси Юрий Чайканы алгъышлауунда.
"Масихни джарыкъ Тиргизилиую-джашауну, сюймекликни эмда умутну хорламыны белгисиди. Бу байрам бизни хар заманда бирикдирген ниет байлыкълагъа бурады. Ала тюрлю - тюрлю миллетле бла культураланы адамларына джууукъдула», - деб джазады кесини каналында Ставропольени губернатору Владимир Владимиров.
» Бу ёмюрлюк тин-адеб-намыс хазналаны тёгерегинде бирикдириуде, бизни тарих эмда культура хазнабызны, тёлюлени байламлылыкъларын сакълауда Магъаналы магъананы Къабарты - Малкъарны православ джамагъатына береди",-деб белгилейди Къабарты-Малкъарны башчысы Казбек Коков.
"Кёб миллетли эмда кёб конфессиялы Къарачай-Черкесияны халкъларыны шохлукълары, ашхылыкъ бла тюзлюкге бютеулей тырмашыу — ол бизни бирикдирген эмда кючлю этген затды. Эресейни халкъларыны бирлигини Джылында, артыкъ да бек, ашхылыкъ бла тюзлюкню ёмюрлюк багъалыкъларыны тёгерегинде биригиб, не тюрлю къыйынлыкъны да хорларгъа боллукъбуз, - деб чертеди Къарачай-Черкесияны башчысы Темрезланы Рашид.
Пятигорск епархияны муъминлерине мамырлыкъ, насыб, эсенлик эмда деменгили саулукъ теджедиле.