Бу кюнледе Бекешевская стансени 3-чю номерли билим берген школуну бешинчи бла алтынчы классларыны сохталары Кисловодск шахарны Никольский соборуну къатында «Святыни земли родной» деген клиса-тарих музейге бардыла.
Школчулагъа устазла бла Музейни джаш экскурсоводу Православ гимназияны сохтасы Носков Федор тюбеди. Ол къонакълагъа дунияда эм баш Китаб - Библияны юсюнден хапар айтды, дин китабланы эски басмаларын эмда къол бла джазылгъан акафист Николай Шыйыхха кергюздю.
Андан сора сабийле соборну тарихи бла шагърей болдула, священномученик Гливенко Димитрийни юсюнден хапарлы болдула, Шимал Кавказда Православияны тарихин кёргюзген музейни экспонатларына да къарадыла.
Школчула экскурсоводну хапарына сейирсинип тынгыладыла да, музейде да, соборда да бек кёп соруула бердиле, аны уллулугъу, ариулугъу да окъуучуланы сейирсиндирдиле. Сабийле клисаны сыйлы джерлеринде дуа этиб, чыракъла салыб иконостасха эмда соборну суратына къарадыла.
Гимназияны директору протоиерей Знаменский Иоандан барысына да сохталаны джакъчысы Радонежский Сергий Шыйыхха дуала бла шоколадкала бердиле.
Джолоучулукъ пресвятой Богородица Рождество клисаны эмда 3-чю номерли школну стансе клисаларыны къысха иш джюрютюулерини себебинден болургъа боллукъду.