2026-чы джыл февраль айны 16-да КАВКАЗ ТАСС-ны регион информацион аралыгъында Пятигорске бла Черкесскени архиепископу Феофилакт бла Махачкала бла Дербентни архиепископу Варлаамны пресс-конференциясы болуб етдю. Журналистле бла тюбешиуню Шимал Кавказда орус Православияны адетлерине, уллу оразагъа эмда аны джорукъларына хазырлаугъа атадыла.
Архиепископ Феофилакт эсгертди: "Сиз Билемисиз, бизни хоншуларыбыз да ораза тутадыла. Бусагъатда Бир ненча кюнден Рамазан ай башланырыкъды. Ораза тутхан адет да кишини сейирсиндирмейди, ол къайдан эсе да келтирилген неда эртдеден унутулгъан зат тюлдю. Ол Бизни Алгъышлы Кавказны кёбчюлюгюне, бютеу джерли халкъларына да табигъат халда джазылгъанды".
Пресс-конференция гибрид форматда бардырылгъанды. Тюбешиуге СМИ-ни келечилери джыйылдыла, ТАСС-ны сайтында эмда информагентствону соцсетлеринде онлайн-трансляция бардырылды. Архиерейле епархия къуллукъланы 2026-чы джыл бардыргъан планларындан хапар айтдыла.
Мартда Пятигорск епархия джангыдан къуралгъанына онбеш джыл толгъанын белгилейди, кёб байрам иш план салыннганды. Шимал Кавказда темир жолланы биринчи къурулушчуларындан Бири Иван Дмитриевич Иноземцев асыралгъан энчи часовняны жангыртыу ишле белгиленнгендиле.:
"Кеб болмай Биз кесибизни иелигибизге Железноводск шахарны Иноземцево поселокунда орналгъан къабыр къаланы къайтаргъанбыз. Ол Шимал Кавказда биринчи темир жолланы ишлеген Иноземцевни ахыр солуу жери болгъанды. Биз аны джангыртыб башлайбыз", - деб айтды Архипастырь.
Махачкала епархияда Уа Александр Невскийни сыйына аталгъан аскер соборну къурулушу башланныкъды, энди онючюнчю кере халкълаарасы динлеарасы джаш телю форум бардырыллыкъды.
Журналистлеге архиерейле бла тюбешиу Клисаны ишлерини юсюнден ал аууздан билирге мадарды. Бюгюнлюкде жамауатны бютюнда бек сейирсиндирген сорууланы арасында, жаш тёлю бла ишлеу эм жангы социал проектле. Бек магъаналы темаладан бири-СВО-ну къатышыучуларына болушууду. Пятигорск епархияда быйыл аскерчилеге эмда аланы юйдегилерини членлерине болушхан волонтерланы съездин бардырлыкъдыла.
"Аш-азыкъ, кийим этген, маскировка аула тигген, эритген, окоплу чыракъла этген адамла, бизни епархияны битеу приходларында аллай адамла бек-бек кёп болгъандыла. Биз быйыл аланы джыяргъа излейбиз, биринчиден, бир-бирибизни кёзлерине къараргъа эмда кеслерини заманларын, къарыуларын ма былай къурман этгенлери ючюн сау бол дерге керекбиз», - деб чертди Владыка.
Пресс-конференция сагъат бла джарым чакълы заманны баргъанды, аны бошагъандан сора да, журналистле владыка Феофилактны кёб заманны иймей, боллукъ ишлени юсюнден толу хапар айтыб тургъандыла.
Архиерейлени пресс-конференцияларыны онлайн-трансляциясыны джазыуу ТАСС-ны сайтында эмда информагентствону соцсетлеринде барды.