Эресейни СКФО-да ГУ МВД-ны сайтыны билдиргенине кёре, 2025-чи джыл декабрны 15-де Баш управленияны тамадасы, полицияны генерал-полковник Сергей Бачуринни регионну дин башчылары бла тюбешиую болуб етдю. Тюбешиуге округну адетдеча динлерини келечилери эмда СКФО-да Эресейни МВД-ны гу экстремизмге къаршчы Турууну Аралыгъыны къуллукъчулары да къошулгъан эдиле.
Тюбешиуге къошулгъанла джаш телюню экстремист эмда террорист ишлеге къошууну осал тенденцияларыны магъаналарын, аны кибик ич ишле органла бла динчилени округну субъектлеринде байламлылыкъларыны дараджасын кёлтюрюуню юсюнден селешдиле.
Полицияны Генерал-полковниги Сергей Бачурин, западны къраллары Шимал Кавказны Россия Федерацияда тикликни кёзюулерин къурауну баш нюзюрю кибик кёредиле, артыкъ да бек энчи аскер операция бардырылгъан болумда.
Округну баш полициячысы чертгенден, алгъын Кавказда болмагъан Тюрлю-тюрлю ислам формала эмда Сауд Аравиядан эм Да Башха Джуукъ Востокда болгъан дин адетле къызыу джюрюш бла джайыладыла. Никабланы джюрютюу тенденциясы эсленеди, кавказ менталитетге келишмеген шариат мардала бла джорукъланы орнатыу барады. Сергей Бачурин чертгенден, дуния закон чыгъарыуну дин джорукъла бла алышындырыргъа не тюрлю дыгаласла да гражданланы конституцион эркинликлерин бузадыла эм да право къралны тамалларын бузадыла.
Полицияны Генерал-полковниги, тыйыншлы теология билими болмагъан радикал халда тургъан имамланы ауазчы иш бардыргъанларын, исламны терсине ангылатханларын сингдириб, экстремист ишлеге чакъыргъанларын да белгилегенди. Акъылбалыкъ болмагъанланы экстремист эм террорист ишлеге къошулуулары ёседи, быллай уголовный ишледе фигурантланы жаш этерге итиниулери эсленеди.
Динчилени келечилери сюзюлген темалагъа кёре сёлешдиле. Пятигорске бла Черкесскени архиепископу Феофилакт дин къуллукъчуланы келечилери бла полицияны къуллукъчуларындан биргелей къауумла къураргъа, динле арасы эмда башха къаугъала чыкъмаз ючюн деб теджегенди. Дагъыда республикаланы муслийманларыны дин управленияларыны председателлери, СКФО-ну баш раввинини болушчусу сёлешгендиле.
Джыйылыугъа къошулгъанла бир аууздан, градждан джамагъатны тутхучлулугъун бегитир ючюн, социал магъаналы багъаланы пропагандасын бардырыр ючюн, экстремист эмда террорчу кёрюнюулени болдурмаз ючюн, Шимал Кавказ федерал округну кёб миллетли халкъыны тин-иннет-тин кючюн ёсдюрюр ючюн, иш джюрютюуню хайырлы механизмлерин джарашдырыр ючюн, келишиуге къол салыуну юсюнден бегим алгъандыла.
СКФО-да Россейни МВД-суну сайтыны материалларына кёре